العودة   Mohamed Mounir Forum > Mounirian's House > Mounir Generations
التسجيل التعليمـــات قائمة الأعضاء التقويم اجعل كافة الأقسام مقروءة

Mounir Generations

»

أحمد فؤاد نجم ( شاعر تكدير الأمن العام )


إضافة رد
 
أدوات الموضوع انواع عرض الموضوع
  #1  
قديم 19-02-2008, 08:27 PM
الصورة الرمزية smsem

smsem

مـنيـري مش جرىء

______________

smsem is on a distinguished road

smsem غير متواجد حالياً

 
الملف الشخصي
رقــــم العضويـــــــــة: 257
تاريــخ التسجيـــــــل: Feb 2008
العــــــــــمـــــــــــــر:
الجــــــــــنــــــــــــس:
مكان الإقـــــامـــــــة:
مجموع المشاركــات : 47  [ ؟ ]
عـــدد النـقـــــــــــاط: 10  

افتراضي أحمد فؤاد نجم ( شاعر تكدير الأمن العام )


كرهته كل الانظمة الحاكمة المصرية
لم ينجو اي رئيس مصري من شعره
و لم يفلت هو من الزج به في معتقلاتهم
انه أحمد فؤاد نجم - الفاجومي-
ولد الفاجومي في 22/5/1929 في قرية نجم بالزقازيق - محافظة الشرقية
تلقي تعليما متوسطا و عمل عاملاً في السكة الحديد لمدة ستة سنوات ثم عمل كساعيا للبريد لمدة 3 سنوات و بعد ذلك انتقل لهيئة النقل الميكانيكي بالعباسية
و استقر في منطقة حوش أدم بالغورية احد اعرق احياء قاهرة المعز
التقي احمد فؤاد نجم بالشيخ امام في عام 1962
و كان هذه اللقاء في الحجرة التي يسكن بها الشيخ امام و كان قد مضي علي خروج الفاجومي من المعتقل عدة اسابيع قليلة و عندما سمع احمد فؤاد نجم صوت الشيخ امام لأول مرة يدندن علي العود قال له : انا ممكن ابات معاك هنا الليلة يا مولانا ؟
فاجابه الشيخ امام ساخراً: بات يا اخويا إنشا لله تبات العمر كله ، فاخرج الفاجومي مفتاح بيته و القي به من الشباك صائحا : و ديني ما انا مروح وسط ضحكات الشيخ امام و سباب سيد - صديق نجم و الذي عرفه علي الشيخ امام - و منذ ذلك الحين لم يفترق الثنائي نجم و امام فقد كانا معاً لا يفترقان حتي في المعتقل و كونا ثنائي مرعب و انتشر غنائهم بين الناس كانتشار النار في الهشيم و كان لهم اكبر تأثير علي إثارة الشعب و استنهاض همته للثورة علي الظلم و الفقر و الاستبداد و الديكتاتورية
و افترق الثنائي بعض اتهام الشيخ امام للفاجومي بحب الزعامة و بعد رحلة كفاح استمرت لأكثر من 30 عاماً حتي توفي الشيخ امام الذي قال عنه نجم انه اول موسيقي يدخل السجن بسبب موسيقاه
ظهر نجم في اول مظاهرة و هو ابن السابعه عشر و لا يزال يجلس في صفوف المعارضة حتي الأن و هو يري ان الشعر العامي اهم عند الشعب المصري لأن العامية المصرية ليست مجرد لهجة او لغة بل هي روح
حتي الان يعيش احمد فؤاد نجم في حوش ادم و اهم ما يميز حياته البساطة الشديدة التي يعيش بها رغم كل الشهرة التي حظي بها
الفاجومي تزوج خمس مرات و له بنت و هي أ/ نوارة نجم
كتب الفاجومي لمنير اغاني مسرحيات الملك هو الملك و عددهم 11 اغنيه بالإضافة إلي اغنيه يا اسكندرية و بلح أبريم و بحبك يا مصر و التي غناها منير في حفلة الاوبرا 2006 و اعترضت الرقابة علي الكلمات كعادتها مع الفاجومي
الفاجومي فلاح مصري ، اصيل ، عنيد، مشاغب، ثائر ، متواضع ، خفيف الظل ، سليط اللسان و لكن علي الظلم و الظالمين و الاوضاع الخاطئة
يكتب مقال يومي في صحيفة الدستور يحكي في مذكراته و التي سيشرع في نشرها عما قريب علي جزئين الفاجومي الاول ، الفاجومي الثاني

__________________

أنا بعت الدموع .. الدموع و العمر .. طرحت جنايني في الربيع الصبر

التعديل الأخير تم بواسطة smsem ; 19-02-2008 الساعة 08:31 PM.
رد مع اقتباس
  #2  
قديم 20-02-2008, 02:26 PM
الصورة الرمزية smsem

smsem

مـنيـري مش جرىء

______________

smsem is on a distinguished road

smsem غير متواجد حالياً

 
الملف الشخصي
رقــــم العضويـــــــــة: 257
تاريــخ التسجيـــــــل: Feb 2008
العــــــــــمـــــــــــــر:
الجــــــــــنــــــــــــس:
مكان الإقـــــامـــــــة:
مجموع المشاركــات : 47  [ ؟ ]
عـــدد النـقـــــــــــاط: 10  

افتراضي مجموعة من اهم و احلي قصائد الفاجومي


جيفارا مات

جيفارا مات
جيفارا مات
آخر خبر فِ الراديوهات
و فِ الكنايس
و الجوامع
و فِ الحواري
و الشوارع
و عَ القهاوي و َ البارات
جيفارا مات
جيفارا مات
و اتمد حبل الداردشة و التعليقات
********
مات المناضل المثال
يا ميت خسارة عَ الرجال
مات الجدع فوق مدفعه جوّه الغابات
جسّد نضاله بمصرعه
و من سُكات
لا طبالين يفرقعوا
و لا اعلانات
********
ما رأيكم دام عزكم
يا انتيكات
يا غرقانين
فِ المأكولات و الملبوسات
يا دفيانين
و مولعين الدفايات
يا محفلطين
يا ملمّعين يا جيمسنات
يا بتوع نضال آخر زمن
ف العوامات
ما رأيكم دام عزّكم
جيفارا مات
لا طنطنة
و لا شنشنة
و لا إعلامات و استعلامات
عيني عليه ساعة القضا
من غير رفاقه تودّعه
يطلع أنينه للفضا
يزعق و لا مين يسمعه
يمكن صرخ من الألم
من لسعة النار فِ الحشا
يمكن ضحك
أو ابتسم
أو ارتعش
أو انتشى
يمكن لفظ آخر نفس كلمة وداع
لَجل الجياع
يمكن وصية للي حاضنين القضية
بالصراع
صور كتير ملو الخيال
و ألف مليون إحتمال
لكن أكيد و لا جدال
جيفارا مات موتة رجال
*******
يا شغالين و محرومين
يا مسلسلين
رجلين و راس
خلاص خلاص
مالكوش خلاص
غير البنادق و الرصاص
دا منطق العصر سعيد
عصر الزنوج و الامريكان
الكلمة للنار و الحديد
و العدل أخرس أو جبان
صرخة جيفارا يا عبيد
في أي موطن أو مكان
ما فيش بديل
ما فبش مناص
يا تجهّزو جيش الخلاص
يا تقولو عَ العالم
خلاص
رد مع اقتباس
  #3  
قديم 20-02-2008, 02:42 PM
الصورة الرمزية smsem

smsem

مـنيـري مش جرىء

______________

smsem is on a distinguished road

smsem غير متواجد حالياً

 
الملف الشخصي
رقــــم العضويـــــــــة: 257
تاريــخ التسجيـــــــل: Feb 2008
العــــــــــمـــــــــــــر:
الجــــــــــنــــــــــــس:
مكان الإقـــــامـــــــة:
مجموع المشاركــات : 47  [ ؟ ]
عـــدد النـقـــــــــــاط: 10  

افتراضي من أروع قصائد نجم و اقربها الي قلبي


كلمتين

كل عين تعشق حليوة
و إنتي حلوة في كل عين
يا حبيبتي أنا قلبي عاشق
و اسمحيلي بكلمتين
كلمتين يا مصر يمكن
هما أخر كلمتين
حد ضامن يمشي آمن
أو مِـآمن يمشي فين
..........................
شابة يا أم الشعر ليلي
و الجبين شق النهار
و العيون بحرين أماني
و الخدود عسل و نار
و اللوالي ( اللؤلؤ) بابتسامتك
يحكوا أسرار المحار
يللي ساكنة القصر عالي
إيمتى يهنالي المزار
كلميني يا صبية
طال علي َّ الانتظار
كلمتين يا مصر يمكن
هما أخر كلمتين
حد ضامن يمشي آمن
أو مِـآمن يمشي فين
.....................
قصرك المسحور غيلانو
أغبى من دود الغيطان
بعد مص الغصن الاخضر
ينحتوا عضم العيدان
و اللي خلى الارض خضرا
و اللي خلى الدار آمان
عاش بجور ملو جوفه
مات بخوفه من الغيلان
طوّع الغلبان
ما قالش عن شقا العمر اللي كان
كلمتين بمصر يبقوا
هما أخر كلمتين
حد ضامن يمشي آمن
أو مِـآمن يمشي فين
....................
أدي كلمة من عذابي قلتهالك
باقي كلمة
من حنيني صنتهالك
في الضلوع من دنيا ظلمة
كنت خايف يلمحوها
يقتلوها في سكة ظلمة
سقسقت و النور بشاير بشاير
زهرة الصبار يا سلمى
يا نسيم الشوق يا طاير يا طاير
خد لمصر في الصبح كلمة
طول ما يبقى الركب ساير
بالبصاير و العينين
يبقى ضامن يمشي آمن
يبقى عارف يمشي فين
رد مع اقتباس
  #4  
قديم 20-02-2008, 02:45 PM
الصورة الرمزية smsem

smsem

مـنيـري مش جرىء

______________

smsem is on a distinguished road

smsem غير متواجد حالياً

 
الملف الشخصي
رقــــم العضويـــــــــة: 257
تاريــخ التسجيـــــــل: Feb 2008
العــــــــــمـــــــــــــر:
الجــــــــــنــــــــــــس:
مكان الإقـــــامـــــــة:
مجموع المشاركــات : 47  [ ؟ ]
عـــدد النـقـــــــــــاط: 10  

افتراضي رد: أحمد فؤاد نجم ( شاعر تكدير الأمن العام )


أصحي يا مصر


اصحى يا مصر
هزى هلالك
هاتى النصر
كونى يا مصر وعيشي يا مصر
مدي اديكى
وطولى العصر
اصحي وكوني وعيشي يا مصر
اصحى يا عامل مصر يا مجدع
وافهم دورك
ف الوردية
مهما بتتعب
مهما بتصنع
تعبك رايح
للحراميه
جهدك عملك
رزق عبالك
عرقك مرقك
ولا يهنا لك
اصحى يا عا مل
غير حالك
صون المصنع
واصنع مصر
اصحى وكونى وعيشي يا مصر

اصحى يا زارع مصر الخضره
قدره وخضره
ونور وجمال
ابدر غيطك
واحمى البدره
ضد الافه
والاستغلال
ارضك عرضك
باب الدار
صبحوا مداسه
للسمسار
نعطش
ولانشربش عكار
وصفه قالوها الحكما يامصر
اصحى وكونى وعيشي يا مصر

واصحى يا جندى
يا تار الشهدا
عمى وخالك
اختى واخوك
لجل ما تهدا وتارك يهدا
فرغ نارك ف اللى خانوك
يابن الشعب يا حامي الشعب
انت املنا فى يوم الصعب
اصحى يا جندى ودق الكعب
حرر مصر وطهر مصر
اصحى وكوني وعيشي يا مصر
رد مع اقتباس
  #5  
قديم 20-02-2008, 11:31 PM
الصورة الرمزية abdo-m-mounir

abdo-m-mounir

Administrator

______________

abdo-m-mounir is on a distinguished road

abdo-m-mounir غير متواجد حالياً

 
الملف الشخصي
رقــــم العضويـــــــــة: 268
تاريــخ التسجيـــــــل: Feb 2008
العــــــــــمـــــــــــــر: 29
الجــــــــــنــــــــــــس:
مكان الإقـــــامـــــــة: mo7fzet 6 october
مجموع المشاركــات : 1,287  [ ؟ ]
عـــدد النـقـــــــــــاط: 20  

افتراضي رد: أحمد فؤاد نجم ( شاعر تكدير الأمن العام )


الله عليك يمان واسمحلى أشارك معاك فى عمنا الفجووووووووووومى؟؟؟:x31:


النيل عطشان
النيل عطشان يا صبايا
للحب والحنين
والشط
لانور
ولا نسمه
ولا ناي
ولا عود يا سمين
****
يا شاهنده وخبرينا
يا ام الصوت الحزين
يا ام العيون جناين
يرمح فيها الهجين
ايش لون سجن القناطر
ايش لون السجانين
ايش لون الصحبه معاكي
نّوار البساتين
كلك محابيس يا بلدنا
وهدومك
زنازين
وغيطانك الوسايع
ضاقت ع الفلاحين
والدخان في المداخن
لون هم الشغالين
***
يا بنات النيل يا سبايا
ف حبال الجلادين
ما بقاش في زمانكم عنتر
لكن فيه الملايين
فارس محسوب الخطوه
يتحرك بالقوانين
لحظة ما تحين الساعة
يركب ضهر التنين
ويحطم الحواجز
ويفك المساجين


الجدع جدع

الجدع جدع
و الجبان جبان
بينا يا جدع
ننزل الميدان

و الميدان بعيد
عن جوف المدينة
يا تار الشهيد
دير ياسين و سينا

بحري و الصعيد
إحنا أهه ادينا
اصلب م الحديد
في الشدة تلاقينا
بالنار و السلاح
نعلن الكفاح
فوق كل العواصف
و هبوب الرياح
يسبق الليالي
و يجيب الصباح
و يهزم الهزيمة
و يداوي الجراح

عاوزين اللي راح
قدامكو الميدان
و الجدع جدع
و الجبان جبان

رسالة إلى السجن
حبيبي يا مجرم يا سافل
يا دون
يا رب السوابق
يا رد السجون
رزالتك معاهم
ونمك عليهم
دا زائد جنانك
ونعم الجنون
جابولي وجابولك
وياما يجيبوا لنا
لان البلد دي
حاكمها القانون
توقع ما بينى وما بين
الحكومه ؟
دي برضك حكومه
وأنا إيش أكون
أديك رحت مورته
وحتروح بشرطه
وحيفسحوك
فى جميع السجون
وأنا مش ح أزورك
كما كنت فاهم
ولا كنت فاهم
ولا يحزنون
القاهرة / 1979


رجعوا التلامذة

رجعوا التلامذة
ياعم حمزة
للجد تانى
يامصر انتي
اللى باقية وانتى
قطف الاماني
لا كوره نفعت
ولا اونطه
ولا المناقشة وجدل بيزنطه
ولا الصحافة
والصحفجية
شاغلين شبابنا
عن القضية
قيمولنا صهبة
يا صهبجية
ودوقونا طعم االاغانى
رجعوا التلاميذه
للجد تاني
طلعوا التلاميذه
ورد الجناين
اسمع يا ميلص
وشوف وعاين
ملعون ابوك ابن كلب خاين
يا صوت اميركا
يا امريكاني

الممنوعات

ممنوع من السفر
ممنوع من الغنا
ممنوع من الكلام
ممنوع من إلاشتياق
ممنوع من إلاستياء
ممنوع من إلابتسام
وكل يوم فى حبك
تزيد الممنوعات
وكل يوم باحبك
أكتر من اللى فات
حبيبتي يا سفينه
متشوقه وسجينه
مخبر فى كل عقده
عسكر فى كل مينا
يمنعني لو أغير
عليكي أو أطير
إليكي واستجير
بحضنك
أو أنام
فى حجرك الوسيع
وقلبك ألربيع
أعود كما الرضيع
بحرقه الفطام
حبيبتي يا مدينه
متزوقه وحزينه
فى كل حاره حسره
وف كل قصر زينه
ممنوع من إني أصبح
بعشقك .. أو أبات
ممنوع من المناقشه
ممنوع من السكات
وكل يوم فى حبك
تزيد الممنوعات
وكل يوم باحبك
أكتر من اللى فات
القاهره / 1976


وأنشاء الله فيه 2 كتير؟؟؟:x32:

__________________
[عزيزي الزائر يتوجب عليك التسجيل لمشاهدة الرابط للتسجيل اضغط هنا]

رد مع اقتباس
  #6  
قديم 21-02-2008, 05:37 PM
الصورة الرمزية *Wela*

*Wela*

مـنيـري صغير السن

______________

*Wela* is on a distinguished road

*Wela* غير متواجد حالياً

 
الملف الشخصي
رقــــم العضويـــــــــة: 196
تاريــخ التسجيـــــــل: Jan 2008
العــــــــــمـــــــــــــر:
الجــــــــــنــــــــــــس:
مكان الإقـــــامـــــــة:
مجموع المشاركــات : 116  [ ؟ ]
عـــدد النـقـــــــــــاط: 10  

افتراضي رد: أحمد فؤاد نجم ( شاعر تكدير الأمن العام )


اقتباس
المشاركة الأصلية كتبت بواسطة smsem
كرهته كل الانظمة الحاكمة المصرية
لم ينجو اي رئيس مصري من شعره
و لم يفلت هو من الزج به في معتقلاتهم
انه أحمد فؤاد نجم - الفاجومي-
ولد الفاجومي في 22/5/1929 في قرية نجم بالزقازيق - محافظة الشرقية
تلقي تعليما متوسطا و عمل عاملاً في السكة الحديد لمدة ستة سنوات ثم عمل كساعيا للبريد لمدة 3 سنوات و بعد ذلك انتقل لهيئة النقل الميكانيكي بالعباسية
و استقر في منطقة حوش أدم بالغورية احد اعرق احياء قاهرة المعز
التقي احمد فؤاد نجم بالشيخ امام في عام 1962
و كان هذه اللقاء في الحجرة التي يسكن بها الشيخ امام و كان قد مضي علي خروج الفاجومي من المعتقل عدة اسابيع قليلة و عندما سمع احمد فؤاد نجم صوت الشيخ امام لأول مرة يدندن علي العود قال له : انا ممكن ابات معاك هنا الليلة يا مولانا ؟
فاجابه الشيخ امام ساخراً: بات يا اخويا إنشا لله تبات العمر كله ، فاخرج الفاجومي مفتاح بيته و القي به من الشباك صائحا : و ديني ما انا مروح وسط ضحكات الشيخ امام و سباب سيد - صديق نجم و الذي عرفه علي الشيخ امام - و منذ ذلك الحين لم يفترق الثنائي نجم و امام فقد كانا معاً لا يفترقان حتي في المعتقل و كونا ثنائي مرعب و انتشر غنائهم بين الناس كانتشار النار في الهشيم و كان لهم اكبر تأثير علي إثارة الشعب و استنهاض همته للثورة علي الظلم و الفقر و الاستبداد و الديكتاتورية
و افترق الثنائي بعض اتهام الشيخ امام للفاجومي بحب الزعامة و بعد رحلة كفاح استمرت لأكثر من 30 عاماً حتي توفي الشيخ امام الذي قال عنه نجم انه اول موسيقي يدخل السجن بسبب موسيقاه
ظهر نجم في اول مظاهرة و هو ابن السابعه عشر و لا يزال يجلس في صفوف المعارضة حتي الأن و هو يري ان الشعر العامي اهم عند الشعب المصري لأن العامية المصرية ليست مجرد لهجة او لغة بل هي روح
حتي الان يعيش احمد فؤاد نجم في حوش ادم و اهم ما يميز حياته البساطة الشديدة التي يعيش بها رغم كل الشهرة التي حظي بها
الفاجومي تزوج خمس مرات و له بنت و هي أ/ نوارة نجم
كتب الفاجومي لمنير اغاني مسرحيات الملك هو الملك و عددهم 11 اغنيه بالإضافة إلي اغنيه يا اسكندرية و بلح أبريم و بحبك يا مصر و التي غناها منير في حفلة الاوبرا 2006 و اعترضت الرقابة علي الكلمات كعادتها مع الفاجومي
الفاجومي فلاح مصري ، اصيل ، عنيد، مشاغب، ثائر ، متواضع ، خفيف الظل ، سليط اللسان و لكن علي الظلم و الظالمين و الاوضاع الخاطئة
يكتب مقال يومي في صحيفة الدستور يحكي في مذكراته و التي سيشرع في نشرها عما قريب علي جزئين الفاجومي الاول ، الفاجومي الثاني

احسن واحد في نظري انا بصراحه (احمد فؤاد نجم)

__________________

من النهارده ,,,, مفيش اداره ,,, انا الاداره
-------------------------------

رد مع اقتباس
  #7  
قديم 22-02-2008, 01:02 AM
الصورة الرمزية sherif-mounir

sherif-mounir

مـنيـري حكايتة حكاية

______________

sherif-mounir is on a distinguished road

sherif-mounir غير متواجد حالياً

 
الملف الشخصي
رقــــم العضويـــــــــة: 261
تاريــخ التسجيـــــــل: Feb 2008
العــــــــــمـــــــــــــر: 33
الجــــــــــنــــــــــــس:
مكان الإقـــــامـــــــة: Egypt-port Said
مجموع المشاركــات : 569  [ ؟ ]
عـــدد النـقـــــــــــاط: 10  

افتراضي رد: أحمد فؤاد نجم ( شاعر تكدير الأمن العام )


مشكور على التوبيك يا جميل والله

رد مع اقتباس
  #8  
قديم 26-02-2008, 02:24 AM
الصورة الرمزية Misho Mounir

Misho Mounir

Administrator

______________

Misho Mounir is on a distinguished road

Misho Mounir غير متواجد حالياً

 
الملف الشخصي
رقــــم العضويـــــــــة: 23
تاريــخ التسجيـــــــل: Jul 2007
العــــــــــمـــــــــــــر:
الجــــــــــنــــــــــــس:
مكان الإقـــــامـــــــة: cairo
مجموع المشاركــات : 439  [ ؟ ]
عـــدد النـقـــــــــــاط: 10  

Thumbs up رد: أحمد فؤاد نجم ( شاعر تكدير الأمن العام )


أحمد فؤاد نجم ..

أحسن حاجة بقى إنة مش باقي على حاااااااااجة خالص

بحب لقب شاعر تكدير الأمن العام

__________________



[عزيزي الزائر يتوجب عليك التسجيل لمشاهدة الرابط للتسجيل اضغط هنا]

راديو منير
Radio Mounir

[عزيزي الزائر يتوجب عليك التسجيل لمشاهدة الرابط للتسجيل اضغط هنا]
رد مع اقتباس
  #9  
قديم 21-04-2008, 12:45 AM
الصورة الرمزية Masri Mounir

Masri Mounir

:: Moderator Computer and programmes ::

______________

Masri Mounir is on a distinguished road

Masri Mounir غير متواجد حالياً

 
الملف الشخصي
رقــــم العضويـــــــــة: 400
تاريــخ التسجيـــــــل: Mar 2008
العــــــــــمـــــــــــــر:
الجــــــــــنــــــــــــس:
مكان الإقـــــامـــــــة: October 6 City
مجموع المشاركــات : 2,126  [ ؟ ]
عـــدد النـقـــــــــــاط: 20  

افتراضي رد: أحمد فؤاد نجم ( شاعر تكدير الأمن العام )


لما تقول كلمة حق أكيد لازم تكرهك الحكومه

__________________

رد مع اقتباس
  #10  
قديم 21-04-2008, 01:12 AM
الصورة الرمزية crazy girl

crazy girl

عاشجت منير

______________

crazy girl is on a distinguished road

crazy girl غير متواجد حالياً

 
الملف الشخصي
رقــــم العضويـــــــــة: 469
تاريــخ التسجيـــــــل: Apr 2008
العــــــــــمـــــــــــــر: 32
الجــــــــــنــــــــــــس:
مكان الإقـــــامـــــــة:
مجموع المشاركــات : 842  [ ؟ ]
عـــدد النـقـــــــــــاط: 10  

افتراضي رد: أحمد فؤاد نجم ( شاعر تكدير الأمن العام )



والله بجد بجد بجد تسلم ايدك والفاجومي طبعا لا يعلى عليييه باشا وجرأته اكتر حاجة بتعجبنيييييييي فيه بجد
يعني ثورجي بشكل رااائع وغير كدة بساطته دي هي اللي خلت مصر كلها تحبه وتقبل كلامه مهما كان جريء

__________________

الاسم عاشجة والعشج جتلني
جتلني لني ما جدرت اطوله
وكيف اطوله وهو عالي وبعيد
و صبرت... لكن صبري ما جادر يزيد
واعمل ايه بناري اللي دايم تحرجني
عاشجة يا عالم ومش رايدة غيره
يا رطب طيب لني خلاص انتهيت
وانزل لعندي وحن على عاشجك الوحيد
صبري نفد ... خلاص ....
لكني في حبك ما انتهيت


عاشجت منير

رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:38 PM.


Powered by vBulletin® Version 3.8.4, Copyright ©2000 - 2018, Jelsoft Enterprises Ltd. TranZ By Almuhajir
جميع الحقوق محفوظه لأدارة مواقع wWw.mounirlovers.com
Protected by CBACK.de CrackerTracker

Security byi.s.s.w