اهلين يامنايره ياحبايبي...
كتير ناس بتستعجب من عشقي المهول الغير طبيعي ل(منير) وبيحلفوا باغلى ماعندهم انهم مشفوش عشق كده في الكون.. ولما بكون في الجامعه وناس كتير تلاحظ بتركيز شديد جدا –زي ما يكون بيت ابوهم اتحرق وجايين يشوفوا ايه اللي حصل..- (السلسه اللي معلقاها حوالين رقبتي فيها صورة (منير)) ... و يجوا يتعرفوا عليا...يقولولي انتي بتحبيه قوي كده....(ده باين على ملامحك من غير ماتتكلمي)؟بس ده (منير) بيقول –سو ياسو- بتحبي الحب ده كله لحد بيقول –سوياسو-يامنار؟؟؟؟(غلاااااااااااااااااااااباااااا ميعرفوش ان(منير) مكتبه ثقافيه ومنبع ثقافي نادر الوجود بل ومنعدم الوجود والفنان الوحيد المثقف في مصرو اللي بيعلم ويبني بشر بفكره)...(المشكله ان بنات كتير فيهم بيكون مطربها المثقف الاول -عماد بعرور-ويكملوا كلامهم:طب يعني ايه -سو ياسو-؟ لا ده نوع مخدرات متخدوش في بالكوا...
جينا عالسؤال الاهبل اللي بيفور دمي.....
في البدايه كنت فاكره –سو ياسو-اغنيه مفرفشه من الفلكلور مقدمهالنا (منير) لانه دايما حريص على انه يعيد الفلكلور –وهي فعلا فلكلور زي ماسمعتها في فيلم-الطوق والاسوره- قبل نزول الكليب...وانه عمل الاغنيه دي كنوع من انواع المحافظه على التراث والوان الفلكلور المختلفه زي ما(منير) معودنا ...
لكن كنت كل مره اسمع الاغنيه اقول (منير) مش بيعمل شئ لمجرد الفرفشه. لان (منير)في الاساس مش بيغني لمجرد الغنا التقليدي وعبي كوسه وخد فلوس زي مالكل بيعمل انما بيغني للمبدا والقضيه ,,والفكر الحر والدعوه للانسانيه وكل ماهو قيم ومبدع ومثقل ..
بيغني من اجل الرساله والهدف..(والطهر والحب والروعه والابداع وحب الحياه)..باحساس صادق واخلاص عمييييييق نابع من طهره ملوش زي ف الكون وقلب نقي حر وفكر (عظيم) من انسان اعظم.. لذلك سو ياسو كما العاده ليها معنى ومعنى كبير قوي ..لمافكرت ساعات طويله مع نفسي في هذا الموضوع وتاملت في الاغنيه ووقت نزولها لقيت(حبيبي) حطها في شريط –انا قلبي مساكن شعبيه-اللي اختارلنزوله وقت سياسي عصيب كان بيمر بمصر والشارع العربيي ككل... وكان بيعبر فيه درجه اولى عن الشعب المصري(خصوصا) ومايمر به...لذلك اختار ان اسم الشريط يكون على اسم اغنية (انا قلبي مساكن شعبيه) واللي السبب في اختيار هذه التسميه للشريط هو الهدف المزكور اعلاه...وبعدين لو هو مجرد فلكلور...ليه(منير)مخدوش زي ماهو بل عدلت فيه كوثر مصطفى وحطت جمل كتير مختلفه عن الكلمات الاصليه ترمز الى بلاوي سودا...و(منير) خدها منها وقاللها هو ده الكلام المطلوب....ولما (منير) اتكلم عن –سو ياسو- في تاراتاتا جاب سيرة الاحتلال الانجليزي والوضع السياسي وقتها...لا ده في حاجه وحاجه كبيره قوي زي ماقلت...
فضلت اسمع (منير) من اعماق حشاشة قلبي واحس لا شك بالمعنى العميق اللي بيحفره جوا كياني ومخي وهويتي اللي صنعها هو...واشيله مبدا فوق راسي اعيش بيه طول حياتي (كما العاده) لكن المره دي فتحت مخي شويه..(اصل كل ما بسمع (منير) بسمعه بمنظور عاطفي يخصه كانسان هو حفره جوايا ليه متدفق من احساسي الجياش بيه و ببقى هيمانه في عشق (منير) فقط لاغير.. بفهم المعنى وبستنشقه ,,بس بتكون عاطفتي تجاهه هي المسيطره عليا درجه اولى) ولا مركزه مع اي حاجه غير (منير) .... يعني لو حد اتحرق جانبي وانا بسمع (منير) مش هحس بيه) اما المره دي صممت اني استخدم شويه الزكاء المتواضع اللي جوايا لغاية ماعرفت مامعنى(سو ياسو)..
واكتشفت ان –سو ياسو- اغنيه تحمل معاني ذات ابعاد سياسيه درجه اولى..
سو : يامصيبتي بالصعيدي...و(منير) هنا بيحكي على حال البلد...يامصيبتي عاللي حصل في بلدي......حبيبي:الشعب..
حبسوني:كبتوني وقتلوا احلامي وسجنوا حريتي وسجنوني انا شخصيا..
حبيبي عايزله سكر منين اجيبله سكر,,السكر:الاكل والرزق حبيبي عايزله سكر منين اجيبله سكر باب الحكومه مسكر ,,باب الحكومه مقفول عن انه يدي الشعب قوته بل العكس هو اللي بيحصل.....
الترتر: الجمال والذي يتمثل في الثقافه والنور والعلم..
ده الواد بياع الترتر حبسوني وحبسوه المثقف الجرئ واي حد يقول كلمه تورينا النور بيروح في الباي باي....(حبسوني وحبسوه)...
المرايه: المرايه بتشوف فيها نفسك..مميزاتك بعيوبك...ولما تيجي تنقد حالك....ولما تيجي تنقد الحال المخزي اللي ف بلدك والناس الكبيره يعرفوا بالحكايه....يبقى الحال (حبسوني وحبسوه)...
اللولي: اللولي غالي والغالي لازمله فلوس..دول سرقوا اللولي يالولي...البنوك اتقلبت والبطون امتلئت من حق ومال هذا الشعب اللي اتسرق...
.الياسمينه:الياسمين في كثير من الثقافات رمز للامل واتنظار الغد...
لان الياسمين من الازهار اللي بتفتح مره واحده ...ومبستغرقش وقت في ذلك كما حال كثير من الازهار..
لذلك شاع من الحكايه دي المثل ...اللي بيحكي قصة الراجل اللي سال الفلاح قالله مستني ايه.....
قالله مستني الياسمين يفتح....(واقف ليه في الشباك بستنى اليوم الجاي)...
يعني مستني الامل وان الغد يكون افضل....دول علوا السور علينا حبسوني وحبسوه...
علوا سور الحلم والامل علينا..وحتى احلامنا وامالنا بيغتالوها...
: وسر هذا اللحن السريع الراقص هو السخريه من هذا الوضع السياسي الراهن..
وادي (منير)بيشرح معناها..وبيعرف الجاهلين...يعني ايه سو يا سو....
[عزيزي الزائر يتوجب عليك التسجيل لمشاهدة الرابط للتسجيل اضغط هنا]
بحمدربنا ان هذا الكيان الطاهر علمني واحتواني وعرفني...واني عرفت اجابة هذا السؤال اللي مكنش مريحني....
واللي مكنش بيريحني اكتر واكتر ان بعض المنايره معتبرين ان الاغنيه...سقطه من السقطات...لا والله برافو عليكوا ...فاهمين (منير) بجد ماشا الله عليكو..منايره بحق فعلا..!!!!!!..وان بعضهم لما بيجوا يتسالوا السؤال الازلي والمكتوب علينا من ساعة مالحياه ابتسمتلنا والعقل احترمنا وبقينا منايره: طب يعني ايه –سو ياسو-ميعرفش يحكي,, ويقول:-ايه مالها سو ياسو اغنيه خفيفه جميله من وسط الاغاني العبقريه الكتير اللي عملها الملك. مفهاش حاجه يعني.. (اغنيه خفيفه جميله ده ايه ...وبتتنح ليه)؟ رد عليه وعرفه يعني ايه سو ياسو عرفه ان سو ياسو دي اسطوره فكريه سياسيه محصلتش ولاهتحصل...وان عدم فهمه ليها ونظرته ليها على انها اغنيه تافهه اكبر دليل على بساطة وسطحية عقله....
(منير) مبيعملش اغنيه لمجرد انها اغنيه فيها أي كلمات والحان وبالصلاه عالنبي اتعشيت.....
ولكن (منير) هو الفيلسوف الحكيم..والقائد المناضل...والضمير الثائر ...والفكر الغير تقليدي الاثر...والاسمى من ذلك كله هو الكيان الطاهر....في (ذاته) -العظيمه - جوايا ..قبل فنه المستوحى من عقله الساحر(المبدع)....
ادينا عرفنا معنى هذه المعجزه –سو ياسو-...
ولا سكوت عن السؤال الرخم يعني ايه سوياسو بعد اليوم.......وبس... تصبحوا على خير... (منير)
__________________
[عزيزي الزائر يتوجب عليك التسجيل لمشاهدة الرابط للتسجيل اضغط هنا]
نفسي ادخل في غيبوبه لغاية م اارسى معاك على بر....يارب انت اللي عالم باللي جوايا....احميه يارب واحفظه واديله كل الخير ف عمره وارضى عنه ورسيني ورسيه ...اللهم امين
عاشقه وحاسه صفاء روحك وطهرك..بعشقك ف كل ثانيه ف كل لحظه اكتر من اللي قبلها..وربي هو العالم بعشقك وبحترمك ومخلصالك قد ايه (منيرمنار).
04-02-2009, 09:00 PM
معناها او فكرة الاغنية
)
بس عرفت بعد كده
المواضيع المتشابهه 
اللي يسالك باستهزاء سو ياسو معناها ايه؟؟اشرحله الاسطوره وعرفه راسه من رجليه.. 
رد: اللي يسالك باستهزاء سو ياسو معناها ايه؟؟اشرحله الاسطوره وعرفه راسه من رجليه.. 
العرض العادي
