| |
| |
21-02-2008, 11:45 AM
| ||||
| ||||
|
__________________ أنا بعت الدموع .. الدموع و العمر .. طرحت جنايني في الربيع الصبر  |
|
26-02-2008, 01:05 AM
| ||||
| ||||
| عبد الرحيم منصورررررررررررررررررررررررررررررررررررررر:wenak: الراجل دة بجد قيمة فنية كبيرة .. ربنا يرحمة ودية رباعيات الحكمة ...... [ رباعيات الحكمة ] 1- على كل لون الحياه على كل لون يا بشر بشر بتخلق حياه وبشر بتقتل بشر Ө Ө Ө 2- على كل لون الدموع دموع فرح وأنين دموع فى غربال سبوع ودموع في قلب حزين Ө Ө Ө 3- على كل لون العرق على كل لون السنين عرق يبيض ورق وعرق يندي الجبين Ө Ө Ө 4- على كل لون يا خلق على كل لون تطلعوا سودتوا لون الحق وكرهتوا كون ترجعوا Ө Ө Ө 5- جاهل يا طامع فى رمال عمرك كضلك يفوت فوق ذكرى حلوه حلال بدل الضلال والسكوت Ө Ө Ө 6- ياللي غويت الليالي خايف عليك من حبالها ليبقى حالك ده حالي وتدوق حرامها وحلالها Ө Ө Ө 7- دايماً قليل البخت بلاقي في الكرشه عضمه لفيت كتير واتملخت ومشيت بأحزاني هدمه Ө Ө Ө 8- دربك بسيط يا خال وعيونه زي المرايه إن طال وأصبح محال يبقى بداية غنايا Ө Ө Ө 9- البحر يا مراكبي مايل ولا شراعك خفيف عمال فى الموج تحايل والريح فى ضهرك مخيف Ө Ө Ө 10- البر قدام عينك لو لحظه رايقه تشوفه في الضيقه ربي شريك تلقى كفوفك كفوفه Ө Ө Ө 11- تبت حبالك وبحر ويا الرفاقه المليحه في الشده وياك تشمر وتعدي لايام مريحه Ө Ө Ө 12- أوعى تريح وترسى وتقول ده آخر المطاف الدنيا مالهاش مرسى والحمل فوق الكتاف Ө Ө Ө 13- أوعى يا خيال تميل عمر الخيول ما بترحم لا حيرمي سرجه الخيل ولا حتى على صاحبه يندم Ө Ө Ө 14- يا صاحبي عافر إن لم يحظى حلمك بمرسى ده العمر مالوش سن والدنيا قدامنا لسه Ө Ө Ө 15- جوه النقوش القديمه بهتانة حكمة زمان شبه الغريم والغريمه لونها ولون الحيطان Ө Ө Ө 16- الحكمه من غير شفايف قول يا حكيم القبيله بترتعش ليه وخايف مالناش غيرك وسيله Ө Ө Ө 17- سمعت حكمه وقلت يا هلترى مين كاتبها قالوا الألم والكبت والصمت هوه صاحبها Ө Ө Ө 18- الليل ده عالم وعالم عالم وساتراه بيوت عالم بيعسكر بعالم وعالم ماهوش لاقي قوت Ө Ө Ө 19- هات من جرابك وقوللي يا اللي إنت عارف البعيد وأديني سدرك يا خلي سدرك كأنه العيد Ө Ө Ө 20- عالم وبودان كبيره سامعه وماهيش سامعه الضحكه بتساوي حيره والفرحه بتساوي دمعه Ө Ө Ө 21- سوا في الطريق السهل أو في طريق الصعب جاي بالورود والفل بكره لجموع الشعب Ө Ө Ө 22- أنا كلمه منها الحقيقه سابتني ليه الخلايق وحدي ومن غير شقيقه عريانه بين الشقايق Ө Ө Ө 23- سموني باسم الحقايق سموني باسم التراب وارموني وسط الخلايق أقتل نغم كداب Ө Ө Ө 24- أيام علينا تعدي وتمر مثل السحاب وإحنا بناخد وندي ونبيع لبعض العذاب Ө Ө Ө 25- عايش على دى الحال ألف وأتعب لحالي وكل ما أسأل سؤال يرجع لي تانى سؤالي Ө Ө Ө 26- أنا شلت حمل صديقي وشلت همه وجروحه ونا لوحدي في ضيقي وهوه عايش لروحه Ө Ө Ө 27- مازرعتش الورد عمري وباشم ريحة عبيره أه ع اللي يزرع ما يدري ويجني لكن لغيره Ө Ө Ө 28- سدري بينهج كرب وعيوني عواميد نور تهل على درب دعوه وورد وسرور Ө Ө Ө 29- قليل كلام الحزين لكنه في القلب طامي لا له لسان أو إيدين لكنه له طلق حامي Ө Ө Ө 30- والله بسيط يا خال كما دمعتي ف كمي وشديد كأني رجال ولاهمني همي Ө Ө Ө 31- ياما صحاب وصحاب ليا ونا فرادي لما باقع في العذاب يرخوا العيون والأيادي Ө Ө Ө 32- يابو العيال النحيفه والقلب أخضر مراعي عيني زيك كفيفه لكني شايف شراعي Ө Ө Ө 33- دعوة أبويا وأمي إني أعيش قلقان لا إيد تحايل فى كمي والباب قصادي بيبان Ө Ө Ө 34- في عروقي زعق السكوت زعق في قلبك يا خلي فتح بيبان البيوت لقيت سكوتها بيغلي Ө Ө Ө 35- البذره مره يا خال طرحت لنا غيط مرار حرام ده ولا حلال تجني المرار ع الديار Ө Ө Ө 36- باقي وطامي يا نيل دعا في العيون الغريبه تضحك وتصرخ تميل فرح وقسوه وطيبه Ө Ө Ө 37- أنا سدري غيط حنه وقلبي ده كروان بحلم وباتمنى يكون ملاذ إنسان Ө Ө Ө 38- إفتح يا برج الحمام سدرك وشم الهوى خلي هديل الكلام فيه الشفا والدوا Ө Ө Ө 39- كرهت أكون في البيت وأطل م الشباك لا أشم نسمة غيط ولا أرتوي بالهلاك Ө Ө Ө 40- الصبح طالع شباب طالع يغربل عذابه والرزق زي الرباب بيدق بايدينه بابه Ө Ө Ө 41- الزرع أهوه طالع والشمس راحله لبعيد والفل أهو والع في السدر زي النشيد Ө Ө Ө 42- قال الشجر للريح يا ريح يا قتاله فروعي تتعب تصيح للأرض مياله Ө Ө Ө 43- أدى الحياه بلا وقفه عايزه القلوب البصيرة ملايين تسير دفه خطوه في قلب السيره Ө Ө Ө 44- اللي يخطي كتير الوقت يبقى بتاعه لو خاض ف بحر كبير يملك سفاينه وشراعه Ө Ө Ө 45- لما يهل الصباح تفرك عيون الطريق لحظه تقابلنا جراح ولحظه تاخدنا صديق Ө Ө Ө 46- عارفك يا بكره وشايفك جاي من عيون الناي أخضر وحالفه شفايفك تلمس وليدي الجاي Ө Ө Ө 47- الدنيا والله براح قليل عليه أكون طيره طليقة الجناح وأخلق لنفسي كون Ө Ө Ө 48- جوايا زحمه وبيوت وصوت غريب الندا با أصرخ في عز السكوت وأتلاشى ويا المدى Ө Ө Ө 49- كام دنيا جوايا راحت باسألك يا طريق ضي الحقيقه اللي لاحت حقيقي ولا بريق Ө Ө Ө 50- يا طيري إرجع لبيتك الضلمه براه جداد إفرد جناحك في غيطك على قد زاد الديار Ө Ө Ө 51- بشد القلوع .. شديت البحر جزر ومد بحرت لما رأيت الشوف ملهوش حد Ө Ө Ө 52- ذكرى في حياتنا تدوم لحظه تطول أو تقصر بين أمس ويا اليوم تقل الحمول بيأثر Ө Ө Ө 53- دي لحظة الذكرى ياما نسعد بها أو نشقى لو حتى كانت غمامه نزول وهي بتبقى Ө Ө Ө 54- يا خطوه زمنك صعب ياترجعي .. ياتسيري بتحمليني الرعب .. راح تحملي مين غيري ؟! Ө Ө Ө 55- انا ماشي وياكي لا .. إنتي اللي ماشيه بيه انا جوه قلبي خلا .. في الزحمه بتشدي فيه Ө Ө Ө 56- دق الشتا ع البيبان هجت عيون المحاجر عريان لكين دفيان .. شقيان بحلمي المهاجر Ө Ө Ө 57- الصمت هجر البيوت تحت الغطا يا ليل جوه عروق السكوت .. برد الشتا بيسيل Ө Ө Ө 58- يا مدينه من غير عيون .. خدي عيوني شوف برد الشتا مجنون على القلوب بيلوف Ө Ө Ө 59- البحر هجر المراكب .. ونا ح أروح لك كيف غيم الشتا مواكب وف قلبي حر الصيف Ө Ө Ө 60- في الليل بتطرح نجوم جنة سمايا طرح ملهاش ايدين في الغيوم ملناش ايدين في الفرح Ө Ө Ө 61- مشينا ع السكه نحلف إني ما نخلف عهد لما الشدايد بتصدف ما حد يسند حد Ө Ө Ө 62- إخترت أكون نفسي مطرح ما أروح بتروح بين يومي بين أمسي نفس الحقيقه روح Ө Ө Ө 63- في إيديها شنطة ولابسه المريله والكوله شمس الطفوله دايسه ليل أمنا الغوله Ө Ө Ө 64- بحلم في يوم أطول أسكن في بيت قديم وأدبل وأدوب وأزول وأنزف في جرح أليم Ө Ө Ө 65- بحلم أكون موجه ع الشط نتعس ساعات وأهرب من الهوجه من خنقة العمارات Ө Ө Ө 66- بحلم بك إنت يا كون تصير في لحظه قلب سرك أكيد مكنون وبتعرف إمتى تحب Ө Ө Ө 67- بحلم وفي الحلم رحله بحلم في عالم غريب بحلم ومش لاقي راحه من القريب .. والغريب __________________ [عزيزي الزائر يتوجب عليك التسجيل لمشاهدة الرابط للتسجيل اضغط هنا] راديو منير Radio Mounir  [عزيزي الزائر يتوجب عليك التسجيل لمشاهدة الرابط للتسجيل اضغط هنا] |
|
26-02-2008, 01:08 AM
| ||||
| ||||
| [ رباعيات الموت والميلاد ] 1- طعم البيوت في الشوارع طعم الشوارع بيوت الخطو طالع وراجع بيتولد ويموت Ө Ө Ө 2- على الطريق وش غربه وخطو مالوهش صاحب والوقت ميت ف تربه والتربه ماليها صاحب Ө Ө Ө 3- مشيت معاه كان صديق رسينا على كل شي صديق وجاع في الطريق هبش في لحمي الني Ө Ө Ө 4- القهوه زى الديار عريانه من غير وش طفحت هموم النار على كل وش يبش Ө Ө Ө 5- بيتنا أهه يا ولاد في وش بنت غريبه في عينها زهر الميلاد والموت وله تكعيبه Ө Ө Ө 6- جايه منين يا قله من حجر طينه قنا كيف العيون والغله عطشانه زي أنا Ө Ө Ө 7- حرام يا قاضى العشق مين حرموا وتابوا موالي م الارض شق وقصفوا رقابه Ө Ө Ө 8- لا شي باقي ودايم يا حلم أمي وخيه القش هو اللي عايم ونا وزماني في خيه Ө Ө Ө 9- بافر من تحت جلدي وأهرب وألف وأدوب الود أشرب بيدي نبع الشروق والغروب Ө Ө Ө 10- يا نخل مالها جدورك في الأرض مالهاش مخالب جيتك لحدك أشورك رجعت مغلوب وغالب Ө Ө Ө 11- لا برق إلا وطالع من بطن أم السكون العتمه شايفه المطالع والفجر من غير عيون Ө Ө Ө 12- سفر وحلم وسفر الخلق بتقول يا دنيا الشهر أصبح صفر بين الصباح والعشيه Ө Ө Ө 13- طلقوني جوه الدروب وف قلبى ندعه حليب بين الشروق والغروب إزاى يا ولد تشيب Ө Ө Ө 14- لاتنين سوا لاتنين البذره ويا الحصاد الفجر أبيض جنين والموت شهاده ميلاد Ө Ө Ө 15- يا طيره ليه طايره بدرى لسه خفيف الريش فطموني بدري . وبدري وليد وعايز يعيش Ө Ө Ө 16- مش طايقه ليه خلقاتك خلقاتي ضاقوا عليه مش عارفه ليه شققاتك رموني للغربه ديه Ө Ө Ө 17- يا فكر خلي يا شارد ياللي مالكش بلاد التوهه سكين بارد على رقاب العباد Ө Ө Ө 18- سيبوني أمشى لوحدى سيبونى أتوه عريان الدنيا توب على قدي وما اطقش أنا الغطيان Ө Ө Ө 19- ده ده ولا حنه يا أم الكفوف العريضه ده شوق لولدي اللي سابنا في بحور همومنا الغويطه Ө Ө Ө 20- ياما قصص وحكايات فاتوها ناس للزمان لها روح مع جناحات لها عين وودن ولسان Ө Ө Ө 21- الصرخه في القلب جوع تخلق ربيع أو خريف ورده في صدر الربوع دمعة فقير ع الرغيف Ө Ө Ө 22- فيه طير بيرجع لعشه وطير بيفضل مسافر وطير ماهوش لاقي قشه وطير مهاجر مهاجر Ө Ө Ө 23- قالولي ليه يا قناوى خطوك على السكه ساكت أنا قلت كان لي غناوي داقت الحقيقه وشاخت Ө Ө Ө 24- ده دم مين يا خال حنه فى كفوف النسا ولا جنين خيال في بطن أمه اتنسى Ө Ө Ө 25- يا ماشي ع الأرض هدي دي الأرض أم حنونه تولد وتحزن وتدي تنفر من اللي عادونا Ө Ө Ө 26- عرفت عتبات بيوت لكن ما خطيتهاش ودقت ياما الموت والقلب برضك عاش Ө Ө Ө 27- فيه طلق تجار حروب وطلق يحمي الديار وطلق يحمي دروب وطلق يزرع عمار Ө Ө Ө 28- فيه طلق يولد حياه أطفال في عمر أساه وطلق أسود أساه مدفع بيقتل رضيع Ө Ө Ө 29- مولوده بس النهارده ونا ليه ياما زمان بخطوه ع الأرض شارده تموت وتحيا ف مكان Ө Ө Ө 30- من الحصا والشقا إيدين بتخلق ديار عرق مع زقزقه وليل فى حضن نهار Ө Ө Ө 31- بردانه ليه يا شمس والخلق خلقاتها ضاقت والنفس مش لاقيه نفس والخطوه ع السكه دابت Ө Ө Ө 32- سواقى دايره وسواقي بتصحى أنات جدي باقيه وماحد باقي والميه جاريه فى أرضي Ө Ө Ө 33- يا بحر دنياك وسيعه ومالكش أبداً بلد فيك الهلاك والوديعه ياروح وعين وجسد Ө Ө Ө 34- أنا غنوه مش لاقيه قلب مش عايزه في الضل أموت خدوني كسوه ودرب شبابيك تستر بيوت Ө Ө Ө 35- يا ميه النيل يا رايقه جواكي سر غميق حواليكي ساقيه وسايقه سايقه الدموع ع الغريق Ө Ө Ө 36- يا صرخه القلب كوني كوني يا صرخه شموس واوعي يا صرخه تهوني تهون معاكي النفوس Ө Ө Ө 37- يا أرض مين يسمعك فيكي عذاب واعر مين اللي شال مدمعك غير ولدك الشاعر Ө Ө Ө 38- إن لم نشد الرباب ونكون لسان الفقير ونكون بشر في الغاب حايضل بينا المسير Ө Ө Ө 39- ع السدر وشم أبو زيد في الكف سيف الشهامه ع الأرض دم الشهيد نابض ليوم القيامه Ө Ө Ө 40- يا مسكة الطيب يا أمي يا أم الودع والحكايه يا كون بيجري في دمي يا سكه بتصون ورايا Ө Ө Ө 41- باكبر ويكبر زماني وأنا فى عنيكي صغير مطفي في ليل الأماني وبين إيديكي منور Ө Ө Ө 42- لو يسألوكى عليه قولي ده ولد الشقا شب وكبر بين إيديه واتعلم الزقزقه Ө Ө Ө 43- محلا ثيابك يا زهرة ف الصبح زاهي عبيرك بيجي المسا تبقي ذكرى والدنيا صارت لغيرك Ө Ө Ө 44- أمي يا بذره حنان يا أصل كل البشر في كل حته ومكان بلاقي ليكي أثر Ө Ө Ө 45- محلا كلام له أيدين كأنه سدرك يا أمي يخلي نبض السنين أخضر منور في دمي Ө Ө Ө 46- فيه فكر عايش مهاجر زي الطيور الجريحه وفكر ميت وقادر يجعل حياتنا مريحه Ө Ө Ө 47- زارنى في عز النوم قلتله بالحضن يابا قاللي سلامتك قوم سايبك يا ولدي في غابه Ө Ө Ө 48- قاللي سلامتك سلامه ياللي أنا منك ومني أنا مشيت بالسلامه لكن في تعبك قالقني Ө Ө Ө 49- ماشي ولابس عبايتك والكلمه لما تقولها إرتاح يابويا في منامك والدنيا سيب لي حمولها Ө Ө Ө 50- لقلت م النوم .. صحيت حسيت باني في شده فينك يابويا مشيت يا حلم أخضر وعدي Ө Ө Ө 51- بره القفص زقزقه زقزق يا طير القلب الدنيا مش ضيقه لو بس تعرف تحب Ө Ө Ө 52- كان لي شادوف لقاي ع المي كان ملهوف في قلبي رجع الناي على مين يا ... بتلوف Ө Ө Ө 53- أنا والطريق والناس ماشين نزاحم الأرض اخرتها نفس الكاس بنشربه مع بعض Ө Ө Ө 54- ع الحجر لسه وليد وشاب ع الدرب شايب دنيا تنهنه بإيد وإيد كمثل المغارب Ө Ө Ө 55- الدنيا دارنا وإيد ؟ منها يا عبد تزيد مانتش ملكها وليه تقول : وهل من مزيد Ө Ө Ө 56- دورت ياما وشربت مالقيتش غيره المعين لما عليه اتكلت صار لك يا قلبى عيون Ө Ө Ө 57- يا راحل ونا في مكاني أدوب ومش لاقى حد ربك مالوش رب تاني هوه الجواب والرد Ө Ө Ө 58- الدنيا دامت لمين وكيف تدوم على حال ما بين بكا وحنين وبين ميلاد وزوال |
|
26-02-2008, 01:10 AM
| ||||
| ||||
| [ رباعيات الحب ] 1- خديني بسمة لقا إرميلي كلمة وداع بين الفرح والشقا لازم يحل الشراع Ө Ө Ө 2- طلي يا دنيا عليه يا عيون حبيبي الزلال منقوش في قلبي وإيديه كحل الطريق والليال Ө Ө Ө 3- السر في عنيكي قاتل ياللي عنيكي شبابي وأنا وعنيكي باقاتل أصبح سؤالي جوابي Ө Ө Ө 4- إن جم وراحوا الحبايب بقلوبنا راح نعمل إيه إحنا في طريق الغرايب خدنا الزمن في إيديه Ө Ө Ө 5- حران وحضنك جليد صافي وقلبك غبار مين قال لقاهم بعيد التلج ويا النار Ө Ө Ө 6- يا مسقى ملقى العطاشى خايف عليكي ورايدك بتشوفي عيني عطاشى تداري عني مواردك Ө Ө Ө 7- منين أجيب لك دار شبابيكها ع البحري قدامي جنه ونار والحمل فوق ضهري Ө Ө Ө 8- بعيده وإنتي في حضني في حضن مين يا بعيده كيف ونا منك ومني لحظة لقانا شريده Ө Ө Ө 9- عنيكي شبابيك أغاني باطل منها وباشوف خلت زماني حصاني خلتني ع السر ألوف Ө Ө Ө 10- عودك يا أسمر فتني يا أحلى عود في الصبابا خلاني ع الصبر أغني خلى مسايا ضحايا Ө Ө Ө 11- في الماضي واللي جاي بانده وأدور عليكي ساعات يرد الناي وساعات تجاوب عنيكي Ө Ө Ө 12- بودي أزرع شجره شجرة حنان في الضل ترخي عليكي يا سمره وتلم شمل الكل Ө Ө Ө 13- عنيكي دول مليانين مكر وخيانه وجنون ساعات كتير جعانين وساعه مالهمش لون Ө Ө Ө 14- لو كان وليه الخيار لاختارك إنتي أميره وأكون أنا شهريار نغزل حكاوي كتيره Ө Ө Ө 15- الخل والله باعوني باعوا وقلبي اللي شاري وكل يوم يقتلوني ويضيعوني في كاري Ө Ө Ө 16- يا جنين فى علم الغيب جاي تعمل إيه دلوقتي حجر العالم غريب وأخاف تدوخ مثل دوخي Ө Ө Ө 17- أنا اللي محتاج لابن في الرحله ابني يخاويني مش عايزه لكن بحن يملا عليه سنيني Ө Ө Ө 18- آه لو تطول الايدين لا أملا الديار بالعيال يبقوا لي ضهر وعنين ويبقوا رد السؤال Ө Ө Ө 19- خلقت مواويل كتير وحضنتها نكرتني والحلم بحنين عسير الرعب فيه بيسكرني Ө Ө Ө 20- إيه اللي جواكي قولي محبة ولا عداوه إن كنت قادره تطولي خديني فديه وحلاوه Ө Ө Ө 21- منين أجيبك يا سمره ياللي عيونك دوايا حلمت ياما ببكره وبكره أصبح مسايا Ө Ө Ө 22- ريتك معايا تطوفي وسط البشر والزحام وتشوفي حيرتي وخوفي عليكي من دي الالآم Ө Ө Ө 23- يا بنت ساعة لقا بتساوي كل الزمان عنيكي دي زقزقه وياي في كل مكان Ө Ө Ө 24- شبكت عنيكي عيوني وعنيكي قلق الصبايا قلت الوداع قام خدوني ورموني وحدي لشقايا Ө Ө Ө 25- عشقت فيها عنيها وعنيها أعوام خوالي توبها اللي مقسوم عليها منسوج بأبر الليالي Ө Ө Ө 26- من الحبايب فرحنا ومن الحبايب بكينا زمان بيحضن فرحنا وزمان بيقسى علينا Ө Ө Ө 27- عنيكي تحت المطر كيف القلق والخوف فيهم كلام للقدر مداري مش مكشوف Ө Ө Ө 28- مش عايز أشوفك بتبكي مش عايز أشوفك حزينه ده أنتي فى مكانك بتحكي وتحطي وتشيلي فينا Ө Ө Ө 29- عوام في بحر الضفيره غرقان بلا سلمه غطاس يا وز البحيره سابح يا نجم السما Ө Ө Ө 30- سموني أنا العصفور وسيبوني من غير عش لا عيني شافت نور ولا إيدي مسكت قش Ө Ө Ө 31- قلاب يا سمرا هواكي دوب لي كام مقلاع قوليلي إيه جواكي وايه اللي تحت القناع Ө Ө Ө 32- يا لوزة البحر مالك عطشانة والبحر عالي عديني وإرمي دلالك ماحد في البر خالي Ө Ө Ө 33- صدرك مدار الزمان طب مد إيديك فرع حلابة إيدي الحنان والحلمه من غير ضرع Ө Ө Ө 34- معرفش إيه لون مسايا ونسيت كمان ذكرياتي أول لقاكي معايا هيه بداية حياتي Ө Ө Ө 35- أنا مش غريب الحكاية على أي أرض يحط وبلدنا هيه القناية وقلبي فردة بط |
|
26-02-2008, 01:14 AM
| ||||
| ||||
| جامد أوي الشعر دة ... بيوصف شعور الأم كأنة المتألم مكان الأم :icon11: [ أم فى لحظة حرب ] حليت كردانى .. ورميت الطرحه ورا ظهرى . خدته فى حجرى ملست عليه بشفايف قهرى .. ولدى .. وليدى .. لسه ما لكشى على وش الدنيا يومين .. العتمه رموش مش سهيانه والجانى واخد ع العتمه بعيون خوانه غطيته بشئ .. شئ معرفش إيه كونه حلماتى رغم العتمه شايفه شفايفه . انجغ .. انجغه .. اضحك .. اضحك .. والدك راجلى .. فجرى .. مراجلى على وش العتمه أهه عدى شايفاه شايفاه وانت في إيديه سنكى فى سدر الأعدا .. |
|
21-04-2008, 01:42 AM
| ||||
| ||||
|
__________________ |
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
::: عبد الرحيم منصور ::: الراقص ع الحصي 
من النهارده ,,,, مفيش اداره ,,, انا الاداره
رد: ::: عبد الرحيم منصور ::: الراقص ع الحصي 
العرض العادي
