| |
| |
20-05-2009, 06:27 PM
| ||||
| ||||
|  اخواني في الرابطة غني الملك منير لكبار الشعراء في مصر ولكن ضرورة القالب الموسيقي واللحن كانت تفرد عليه احتيار اجزاء من هذاه المكتوبات مما يتماشي مع اللحن ويترك اجزاء في الحقيقة رائعة واليوم اجيء لكم بالنصوص الأصلية لأ غاني الملك لكي تتستمعوا اليها كاملة النص الأصلي للأغنية اتكلمو لعمنا صلاح جاهين اتـكلموا .. اتـكلموا .. اتـكلموا ... محـلا الكلام ، ماألزمه وماأعظمه. فى البـدء كانت كـلمة الرب الاله ، خلقت حياه ، والخلق منها اتعلموا … فــاتــكلمـوا فى البـدء كـانت كلمـة الـرب الالـه روح بجناحين شطار ، وصار للكون مداه. آخر مطافهـا ، جت وحطت ع الشفـاه ، لما البشر مـلكوا الوجود ، واستحكموا … فـاتــــكلموا الـكلمة أيد ، الـكلمة رجـل ، الـكلمة باب ، الـكلمة نجمـه كهربيــه فى الضبـــاب الـكلمة كوبـرى صـلب فـوق بحر العباب ، الجـن يا أحبــاب ، ما يقــدر يهدمــه… فــاتــــكلموا الـرمـل مـرمـى تحت قبـة السمـــا ، مشتـاق لقطـره من المطـر فيها النمــا ، مـلايين سنين عمــره ماداقهـا ، انمـــا فيـه كلمـة تقـدر فى المراوى تعومه … فــاتــــكلموا فيه كـلمة تقـدر تـزرع البور حـور ضليل ، وكـلمة تقـدر تـجعل الـكوخ بيت جميل ، وابـو العيـال والجـلابية الهـــلاهيـل ، فيه كـلمه تعطيـه مـال ، وكـلمة تهندمـه ، فـاتـــــكلموا لكـم السـلام ، يا ملفوفيـن حـول اللـهب ، يا غواصـين فى القـلب ع الـكلمه العجب ، فى البــدء كانت كـلمة الـرحمـن سـبب ومـا عـادش غيـر الحـق كلـمة تتممه .. فـاتـــــكلموا __________________  |
|
20-05-2009, 06:27 PM
| ||||
| ||||
| ااسكندريـــــــــــــــة للفاجومي أحمد فؤاد نجم يا اسكندرية يا اسكندريه بحرك عجايب ياريت ينوبني م الحب نايب تحدفني موجه على صدر موجه والبحر هوجه والصيد مطايب أغسل هدومي وأنشر همومي على شمسه طالعه وأنا فيها دايب كأني فلاح في جيش عرابي مات ع الطوابي وراح في بحرك كأني نسمه فوق الروابي م البحر جايه تغرق في سحرك كأني كلمه من عقل بيرم كأني غنوه من قلب سيد كأني جوا المظاهره طالب هتف باسمك ومات معيد كأني صوت النديم في ليلك بيصحي ناسك يشدوا حيلك كأني طوبه من بيت في حاره كأني دمعه في عيون سهارى كأني نجمه فوق الفناره تهدي الحيارى والبدر غايب يا اسكندريه يامصراويه على سن باسم على ضحكه هاله البحر شباك ومشربيه وانتي الاميره ع الدنيا طاله يا اسكندريه عاشق وبدي ارتاح في حضنك والود ودي يكون كلامي عربون غرامي وبالمحبه ناخد وندي يا اسكندريه فيكي الغلابه ع الرزق يسعوا ولايناموش صبح صباحهم رجع مساهم وزاد شقاهم ومارتاحوش يا عيني ع اللي الزمان تعبهم وضاع تعبهم ومالتقوش نزل شبكهم في بحر طامي طلع شبكهم على فاشوش وفيكي بين البشر ديابه وفيكي فوق البشر وحوش وفيكي ناس مغرمين صبابه لو خان زمانهم مابيخونوش وفيكي خمري سلمت امري ما اقدرش اشوفه وما انيلوش سمك يا بني يا اسكندراني في العشق واحد مالكش تاني سمك يابني يا اسكندراني في الحسن ساحر ومعجباني سمك يابني والعشـق غيه تبدأ بنظره تبقى ملاغيه وكل عاشق وله بهيه وكل شاعر وله اغاني وأنا اللي عشق الصبايا كاري أعشق وأغني ما اقدرش اداري واي نظره بتجيب قراري وايشحال عيونك يا الاسمراني يا اسكندريه بحرك عجايب ياريت ينوبني م الحب نايب تحدفني موجه على صدر موجه والبحر هوجه والصيد مطايب أغسل هدومي وأنشر همومي على شمسه طالعه وأنا فيها دايب |
|
20-05-2009, 06:28 PM
| ||||
| ||||
| النص الاصلي لأغنية شتا من البوم ممكن وهو من ديوان ديل حصان للشاعرة المتألقة دائما كوثر مصطفي في نص الليل بعد ما ادي و بعد ما خد بعد ما هد و بني و احتد بعد ما لف و بعد ما دار بعد ما هدي و بعد ما ثار بعد ما داب و اشتاق و احتار في نص الليل شد لحاف الشتا من البرد شد لحاف الشتا علي جسمه دحرج حلمه .. و دحرج اسمه دحرج همّه و جرحه و المه تحت مخدة حط الخوف و الشوق و الرغبة و حط الوردة حط الدبلة و حط الساعة حط سجايره و الولاعة علّق حلمه علي الشماعة اللي قضي العمر هزار و اللي قضي العمر في جد في نص الليل شد لحاف الشتا من البرد |
|
20-05-2009, 06:29 PM
| ||||
| ||||
| الليله يا سمرا "من ديوان" رقص ومغنى ~ فؤاد حداد ~ البنت قالت فستانى منشور على الشط التانى خدنى المراكبى وعدانى ورجعت فى القمره الليله يا سمرا يا سماره الليله يا سمره الليل يصبح ويمسى وتفكرينى وتنسى وافطم على ريقك نفسى واتوب من الخمره الليله يا سمرا يا سماره الليله يا سمره العنجريب اللى قنيته تمن سنين استنيته على الجريد اللى بنيته حتزهر التمره الليله يا سمرا يا سماره الليله يا سمره ياللى صفيحتك بغوايش عايش ولا لغيرك عايش قلبى ولا البحر الطايش عينى ولا الجمره الليله يا سمرا يا سماره الليله يا سمره أشرد مع الظبى الشارد وارجع لأرضك أتشاهد واقول يا وعد اللى يجاهد على خيلك الضامره الليله يا سمرا يا سماره الليله يا سمره قال فينا غنوة وحدوته قال مفيناش قولة توته ماهيش عجينه وملتوته كل القلوب حمرا الليله يا سمرا يا سماره الليله يا سمره خلى الندى من أحلامك يسقى النبات من أيامك حطى اللى خلفك قدامك كل البلد عامره الليله يا سمرا يا سماره الليله يا سمره |
|
20-05-2009, 08:26 PM
| ||||
| ||||
|
__________________ |
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| اجمل فيديوهات الملك....(علي _الحلو _ الملك محمد منير)...الاوبرا. | Mohmed AllOsh | Mounir Lovers Miscellaneous | 42 | 27-03-2011 09:19 PM |
| حصريا دويتو محمد منير وانغام واشكي لمين روعهههههههههههههه | pirlo999 | Mazika | 15 | 27-02-2011 07:18 AM |
| حصريا.,ولاول مره..النص الاصلي لمسرحيه الملك هو الملك | Mohmed AllOsh | Mounir Lovers Media | 3 | 04-01-2011 12:52 AM |
| صور الملك محمد منير مع أصدقائه الفنانين | يارا | Photos and Designs | 17 | 06-03-2010 06:40 PM |
| الملك محمد منير | MandoNetSniper | Photos and Designs | 21 | 17-08-2009 12:42 PM |
حصريا .. النصوص الأصلية لأغاني الملك محمد منير 
العرض العادي
