ليه بنسمع منير ؟

[Mohmed AllOsh]

Basma3 Mounir 3alashan Bafham !!

[cutekoko]

mounir bi5lek tesm3o 3'sb 3nk 3lshan e7saso el3ali bel klam w kodrto 3la eno y7ssk eno bi3'nilak enta w bs w kman mounir a3'nih bet3br 3n kol l7za fe 7iat elensan wenta fr7an 7zen bet7eb bet7eb bldak mosht2 msgon m5no2 kol a7walk kman soto bi5tfk 3ltol men awel 7rf kol da w bets2l leh bnesm3 mounir?

[سنــwh!teــو]

بسمع منير لان منير بيحرك كل مشاعرى وكل الاحاسيس

الى جوايا

منير غنى لكل حاجه فى الحياه اى حاله انت فيها حتلاقى ليها اغنيه عند منير

لانه انسان قبل ما يكون فنان بيحترم فنه وبيحترم جمهوره لانه انسان بيحترم نفسه

عمره ما استهزأ بعقول جمهوره

دايما لما احب اقول حاجه او اعبر عن حاجه جوايا الاقى منير بيتكلم وبيقولها بدل منى

واصل لكل انسان فى مصر من اقل طبقه لاعلى طبقه

فنان بيحس بشعبه بيحس بوطنه بايجابياته وبسلبياته , فنان كل همه وطنه وشعبه

كل همه انه يزرع عقول ناضجه فى زمن التفاهات

يحيى الضمير من تانى ف زمن ضاعت فيه الانسانيه

همه يقدم رساله محترمه فنان بيهمه الناس الغلابه قبل ما تهمه الفلوس والالقاب

الى بيبحث عنها معظم الفنانين ان مكنش كلهم

منير قدوه ليا كانسان قبل ما يكون قدوه ليا كفنان

انت ممكن تحب فنان بسهوله بس صعب اوى تحترمه , ومنير بعقليته وتفكيره

وثقافته خلانى احترمه كانسان قبل ما احترمه كفنان

وبعد كل الكلام ده لسه الكلام مخصلش على منير ومش حيخلص

وبعد كل دا لسه بتسأل ليه بسمع منير؟
[/COLOR][/B]

[reta]

عشان هو الوحيد اللى بيعرف يتعامل معايا فى كل لحظاتى
وانا فرحانه بيبدع بمشاركته معايا فى ده
و انا زعلانه جداااا جدااا .. بيعرف يتعامل مع غضبى بنبرة صوته بس .
عشان هو اجمل حاجه .. كفايه ابتسامتووووو
بجد هو جميل فى كل حاجه ............

[عاشق الكينج منير]

مش عارف انا بسنع منير ليه بس انا شايف منير ده زى اللعنه اللى يصاب بيها عمره مايسبها


عاشق منير

[mustafa_shaban_89]

أنا من أكتر من سنتين كده كنت عملت موضوع بتاع فك شفرات ألبوم طعم البيوت وللآسف تغيبت بعدها عن دخول المنتدى
ده مش كده وبس أنا مأنهتش الموضوع كما يجب
ولما رجعت المنتدى حالا بصيت على الموضوع وبعدين بصيت لقيت الموضوع ده
ليه بنسمع منير
بص أنا ممكن آلف كتاب عن ليه بسمع منير
بس انا هحاول أختصرلك
منير حالة من المستحيل لولا انها حصلت فعلا أنا عمرى ما كنت هصدقها
أنا دورت على السؤال ده قبلك كتير بس مش بالشكل ده
بشكل إيه هو العنصر الحقيقى الذى جعل من منير أسطورة
إنه " الصدق "
مطرب صادق مع كل حاجة بيعملها
1- لما جه يغنى شاب جاى من النوبة لا حاول يسرح شعره ولا حاول يلبس بدلة ولا حاول يبقى فتى أحلام "لاحظ معايا إنها محصلتش ومظنش تحصل تانى يبقى صوت مصر مطرب مش مسمسم!! "
2- بيغنى اللى هو عايز يغنيه مش اللى جمهوره عايز يسمعه واللى بعد كده جمهوره أحب ذوقه وإختياراته
بيغنى نوبى وبيغنى أغانى غيره مما تتفق مع ذوقه بمعنى أنه بيعرض على الجمهور فنه مش بيقدم للجمهور اللى هو عايز يسمعه
لأنه آمن إن الفن محرض مش تآريخ وإنعكاسات
لاحظ معايا إن منير كل ألبوم تقريبا بتبقى ليه أغنيه حب بتعتبر أغنية العام وكل عام
بظنك كده هو لو عايز يعمل 10 أغانى من دول مش هيعمل !!
3- منير عمل كل ده من أول ألبوم نزله ولحد آخر ألبوم نزله لم يغير منهجيته ..
وده سبب تحديه لجمهوره آخر ألبوم والألبوم القادم بتنزيل آغنيه من أغانى بدايته
4- المطرب الوحيد اللى غنى لكل حاجة فى الأنسان على عكس السائد والمنتشر وهو الغناء للمشاعر والحب فقط
5- صدق منير مع جمهوره ومع نفسه ومع الصحافة .. مع كل الأطراف
يعنى مثلا الناس بتقول أنه بيشرب خمور "للأمانة معرفش" لكن منير منفاش حاجة زى دى هو عارف كل إنسان عنده عيوب على عكس بقية المطربين اللى بيحاولوا يحسسوا جماهيرهم إنهم ملايكة نزلت من السما

فيه كلام كتير لكن بإيجاز
صدق منير فعلا على مستوى شغله وعلى مستوى علاقته بجماهيره الصدق ده إنعكس على جمهوره أصبح جمهوره مصدقه وحاسس إنه واحد منهم
علشان كده نصبوه ملك عليهم يعبر عن أحاسيسهم ويداوى جروحهم
وفعلا يا منير " الكدب غطا الأحزان .. والصدق اللى مدفينا "

[eslam-khalil]

عـــــشــــان بـيـرجـعـنى مـــــصـــــــــرى تـــانــى

[سهر]

اول مرة اتسال السؤال دة وتصدقوا استغربتة زى ما تقول لحد انت بتتنفس لية او قلبك بيدق لية منير مش بس صوت بنسمعة دة احساس جوانا احساس جميل بنرتاح معاة ووياة ف لحظة فرحنا او حتى ف جرحنا والمنا عايش معانا بننجرح .. كل يوم
لكن بيفرحنا
ان انت جوا القلب
ساكن ف أفراحنا
وانت الأمل في العيون
والنشوة ساعة الجنون

[ota]

mounir da soty w sotek w sot masr sot l 7orya mounir hoa ely 3lmna ezay n7eb masr ezay ns2 fi nafsna w fi emmknyatna ezay t3sha2 w6nek bgd ana b7trmo w b2dro w b7md rbna eny 3arfa sha7'syen w bgd ely 2adr a2olo hoa n mounir l ensan la y7'tlf 3n mounir l fnan bgd f3ln rbna y7'leholna ya rab