حفل نادي سموحه 2010

[dr_ahmed_zorba]

الاحد
4-4-2010
بنادي سموحه بالاسكندريه
ومن تنظيم اخبار اليوم
" الحفله ال 6 تقريبا من تنظيمها ف السنتين الفاتو "

الاغاني بالترتيب
============

،، ،، ،، ،، ،، ،، ،، ،، ،، ،، ،، ،، ،، ،،



1-هيلا هيلا
2-على صوتك
3-يا اماه
4-الفرصه
5- يونس
6-حتي حتي
7- يا طير يا طاير " مع سميه الخشاب "
8- جنني طول البعاد
9-غريبه غريبه
10-الجيره و العشره
11- هاي هاي
12- ابو الطاجيه
13 - صفصافه
14-لو بطلنا نحلم
15-اشكي لمين

=============

الملك :
-مركز جدا متفاعل جدا وباين عليه الانبساط الشديد
- عالى جدا بمعنى الكلمه ومركز جدا بزات ف الاغاني الجديده
-ابتدى يظهر على منير كبر سنو على المسرح بطريقه لافته للنظر
-اتكلم وشكر اخبار اليوم كزا مره الراعياه الفتره الفاتت والعملت تقريبا معاه 6 حفلات
- بالنسبه لكتير من المنايره كانت فاجعه الحفله لما منير قال اننا نحمد ربنا على رجوع ابونا " الريس " لبلدنا بالسلامه ,,, الغريب ف الموضوع ان الجمله دي كانت متناقضه تماما مع انتقاء الاغاني سواء الحفله دي او الفاتت "

=============

الباند :
- من رايي 7-10
- نجم الحفله ف رايي " نور عاشور " عازف الساكس والهيكون ليه اثر كويس جدا لو استمرو هيكون اضافه رائعهةتالت حفله ليه بالتالق حاجه مبشره جدا
- كالعاده رومان بونكا العازف الرائع صاحب التجاوب المثير للدهشه كلاسيكي بطريقه لذيذه ومبدع الى ابعد الحدود
- حلمي بيحاول يرجع لمستواه في غياب تالقه ف الكزا حفله الفاتو وباقي الباند ف مستواه المعهود

=============

التنظيم :
- الى حد ما مستوى امني محترم وعلى ما اتزكر محصلش مشاكل امنيه تذكر
- الاستيدج ممكن نقول معقول مش رهيب بس الى حد ما مقبول
- هندسه الصوت بالنسبه للمتواجدين ف الحفله مقبوله جدا على غير العاده الحمد لله
- سيظل احمد عصام نجم من نجوم حفلات منير البيضيف جو رائع بوجوده وخبرته ال اصبحت سر نجوميته


=============

الجمهور:
- اعداد كبيره من جميع انحاء مصر مش بس عروس المتوسط ممكن توصل لل 50 او 55 الف
- نوعيه الجمهور الاغلبيه من الشباب اصحاب العشرينات ودا لا يمنع تواجد من اهم اكبر من كدا لان جمهور منير متنوع الاعمار ودا كان واضح جدا ف الحفله
- فرايي الجمهور الحفله دي كانو احسن من حفله سموحه الفاتت حصل تطور ف الناس بسبب ايه مش عارف

=============

اراء فيما حدث ف الحفله:
- تعليقا على جمله ورساله منير لل " ريس "
- راي قال دا مش منير النعرفو دا غير ان الاغاني كانت متضاربه مع القالو
- راي قال الحنكه السياسيه مطلوبه ومنير طول عمرو كان كدا ف كلامو ورسالته دايما غير صريحه وكان مطلوب انه يعمل كدا ف الوقت ان القيادات الساسيه كانت من الاسباب الرئيسيه لالغاء حفلات ليه الفتره الفاتت
- راي قال دي ادميه بحته ان حتى لو كان سبب تعاسه شعب شخص كدا فحقه كائادمي انه ينال حتى دعاء وقت مرضه
- رايي الشخصي لحد الوقتي مش لاقي تفسير للموضوع دا ومش لاقي لمنير دافع يقول كدا لان رمز منير كثورجي هوا اكتر حاجه حببتني فيه مش " مطاطاي " زي الباقي




كل الاراء الموجوده هنا اراء شخصيه بحته
وانتظرو المزيد ان شاء الله

[ADLY Mounir]

yaaaaaaaaaaaaa a5eran :D
thnxxxxxxxxxxxxxxxxxx awy

[Mohamed Rabea Awad]

Mounir is a wise man ya gama3a, he has to be like that as a Nubian and as an Egyption as well

[mohsen_mounir]

shokran gedan ya zorba 3la ela5bar elgamda deh
we enta tol 3omrak btesba2 elnas kolaha
we e7na fe entezar el-video bta3 el7fla

[kbarrsy]

f3lan kanet 7elwa awy el 7afla deh