تقرير حفله زمرده

[MOU]

الحفله فى رأيى سيئة للأسباب دى :

1- عرض الالعاب الناريه بيرجع 100 سنه وره بدل ما يتقدم بمنير 100 سنه و يسبق غيره زى ما اتعودنا

2- استيدج فقير وارتفاعه مش مناسب لعدد الجمهور

3- الباند لم يكن فى انسجام واضح خصوصاً نور و اوسو اللى مش ده اوسو اللى انا اعرفه + عبد الله حلمى غلط غلطتين لما دخل غلط قبل باقى المزيكا .. يعنى احنا منير يغلط ماشى نستحمل لكن الباند كمان يغلط تبقى مصيبة !!!!

4- اوحش حاجه هندسة الصوت .. انا كنت عند ال فى اى بى .. و مش سامع صوت منير اصلاً و صوته واااااااااطى و سماعات وحشة اوى اوى اوى . و سمعت صوته واضح فى اخر اغنيه و سمعت صوت الباند نضيف فى اخر 3 اغانى !! اما صحابى اللى كانوا ناحية البحر فدول كانوا العكس كانوا سامعين صوت منير بس تقريباً من غير مزيكا عاليه !! بجد الصوت مش مدروس والسماعات بشعة و ناس كتير فى الحفله ماكنتش سامعه حاجه واضحه و اشتكوا ورا كتبر .!!

- تركير منير : حدث ولا حرج ,, بصراحه يا احمد زوربا مش عارف ازاى انت شايفه مركز .. امال فى حفلات المانيا كان بيبقى ايه حضرته.. ده مفيش وجه مقارنة فى حفلة المانيا بروفات على المسرح نفسه و شفتوا اكيد النتيجه بنفسكم مش بيغلط فى حرف واحد فى الاغنيه و مش بيدخل غلط قبل او بعد المزيكا و ضابط نفسه و ماشى صح.. لكن حفلة الساحل بقى المفروض اول اغنيه اصلاً عمل بيها 20 حفله فى المانيا .. المفروض حافظها .. خرف فيها برضو !! و الباند معاه طبعاً زز و ايديا فى جيوبى و فى قمر رحيلى و فى الفرصة اول كوبليه سافر فى اغنيه تانيه .. حراااااام يا منير فى فرق بين انك تعيد كوبليه بمزاجك او تبدل كوبليه و بين انى اسمع كلام تانى مالوش حتى علاقة بالاغنيه و ده حصل فى الفرصة بشكل واضح ! اتمنى يضبط بروفات كأنه فى المانيا و يعرف امتى يدخل مع الباند او العكس ...

5- مدة الحفلة كحفلة صيف وحيدة و لا تعويض عنها ... لا تعليق
ممكن دلوقتى افسرلك السر فى تذكرة منير 40 جنيه و احممد ربنا لو عرفت تشوفه او تسمعه و احمد ربنا اصلاً لو غنى لك اغنيه كامله صح .. و اوعى تفكر انه حيزود عن ساعة احلم على قد فلوسك !!!!!!!!!!!

تقريباً ده بقى منطق المنظمنين للحفل و منير معاهم ماشى على نفس المنطق .. و مش ده منير و منير لو ركز اعتقد الاعضاء القدام هنا عارفين منير ممكن يعقد الناس ازاى بالمزيكا و اختيارات و احساس و تركيز و تنظيم و ابهار .. بس هو بقى بيسترخص باين كده و بيستسهل !! و افتكروا اخبار اليوم 2009 و راس السنه تحت شعار " حريه ممكن " و صيف 2006 اما بدع بابن ماريكا و الناس نامت و ما غلطش تقريباً فى ولا اغنيه و كان عينيه بتقول حتشوفوا حفله مش هتحلموا بيها تانى .. لا يوجد وجه مقارنة

اتمنى منير يعيد اختيار منظمين الحفلات و يبعد عن القرايب و المجاملات و المحسوبيات و يركز بنفسه بقى من غير ما يعتمد على اللى نايمين حواليه !

[dr_ahmed_zorba]

شكرا على الردود يا جماعه
وبالنسبه لMOU فهرد عليك ف نقطه نقطه

اولهم
فينك يا راجل واحشنا بقالك كتير مختفي ليه

ثانيهم بقى النقط الزكرتها
مين قال ان الالعاب الناريه موضه قديمه ؟؟؟ بالعكس جدا ؟؟؟ وبدليل كل حفلات واختفلات العالم ومش هفكرك بافتتاح برج التجاره ف دبي مثلا او هائيات كاس العالم 2010 ولا غيرها .... لكن معاك ف نقطه انها مكنتش على امستوى دي اه ماشي لكن دا التعودنا عليه ف حفلات منير منظمين الحفلات بتاعو ماشيين بمنطق " على قد لحافك مد رجليك " وفي فروق شاسعه بين حفلات منير وحفلات مطربين ققل منو بكتييييييييير لكن حفلاتهم تنظيميا تضرب حفلات منير بالصارمه ..... غلطه قديمه لمنير اتكلمنا فيها 100 مره يشترك معاها الاهمال الاعلامي لمنير

تاني نقطه تندرج برضو تحت الكلام الفات وهوا سوء التنظيم ودا اتفق معاك جدا فيه


النقطه التالته
تنخيل باند بيشوف بعضو من السنه للسنه وبيدربو على الحفله مرتين لو عملوها الافوره وعدم التناغم شيء ملحوظ فعلا ... بس رايي الشخصي لولاهم منير كان زمانو بيهش و بينش لانهم بيشيلو منو حفلات كتييييير ومن رايي منها الحفله الفاتت ... الباند شال منير ف الحفله بمعنى الكلمه معاك ان نور ابتدى يافورها شويتين مش شويه واوسو وعبدالله حلمي مكنوش ف المود وحتى الصولوهات غير مدروسه .... لكنهم ف الاخر شايلين منير وعاملين شكل مش سيء رغم كل المشاكل دي

مشكله الصوت محستش بيها بصراحه كنت واقف اول صف ف النص وبالنسبلي الصوت واضح جدا جدا ولما روحت وشوفت التلفزيون محستش ان كان ف مشكله ف الصوت ولذلك معقبتش .... لكن اتفق معاك مليون الميه ان مهندسين الصوت ف حفلات منير يخربو اجدعها حفله

بالنسبه للتركيز :

كان قصدي بالتركيز الحضور ... مش التدريب
وفي فرق كبير التركيز ف الحضور يعني بيحاول بقدر المستطاع اسعاد من امامه ومواكبه من خلفه ... لكن تدريب منير لا تعليق عليه و بقاله فتره


مده الحفله ان شايف ان ليها فلسفه تانيه خالص وهتكلم عليها ف الاخر

اما بالنسبه عن القرايب والمحسوبيات ف دي غلطه كبيره ف منير وبترجع لطبيعته الخدومه الخجوله وبرضو لاتعليق عليها من فتره




===============

العايز ققوله بقى

محترم جدا جدا ف منير احترامه لسنه
ومحاوله اعتزاله بالبطيء
او على اقل تقدير التقليل من تواجده
يعني مش معنى اني احب منير يعني عايز اشوفه كل يوم
لا منير بقى عنده 56 سنه مش صغير
ودا شيء حابه وفيه ومحترمه جدا
انه مقدر سنه كويس
ومن رايي شايف ان دا السبب ف مده حفلات منير مش زي زمان
مش موضوع تنظيم وفلوس


المشكله بقى ان دا جاي علينا بخساره وخساره كبيره
ان مستوى الحفلات لازم يعلى بقى
ادام اقنعت نفسك انك تعمل حفلتين تلاته ف السنه
يبقى المفروض انهم تكون الحفله ال هيا
حفله كما انزلت
من ناحيتك ومن ناحيه الباند ومن ناحيه التنظيم
لكن مش تقلل الحفلات ويفضل المستوى هوا هوا و ممكن كمان يقل
كان زمان ممكن تتبلع
عشان الحفلات كانت كتير
كنا نحضر حفله مش اوي يجي بعديها حفله كويسه تسندها
لكن الوقتي مفيش
يعني يا صابت يا خابت
ف ازاي تفكر تعمل حلفتين ف السنه " لحد الوقتي " الاتنين لا تعليق عليهم "
من رايي منير محتاج قعده طويله
يستوعب فيها جوانب وحاجات كتير
الحولييه عملينله من البحر طحينه
وهوا بحسن نيه بيعمل البيقولو عليه

[Sherif.N]

شكرا يا دكتور عالتقرير المفصل عن حفلة زمرده
و المفروض نسميك ""ذاكرة منيـــر لــفرز "" !!!

[karim akram]

a7san takrer areto w a7san rad :D

[kbarrsy]

7afla kanet gamda bezat ganneny deh 5aletny shabah el magnon fe 7afla