تقرير احتفالات القوات الجوية 2010

[dr_ahmed_zorba]

السبت
16-10-2010
الاحتفالات السنويه للقوات الجويه
بدار القوات الجويه
حضر الحفل الرئيس مبارك والمشير طنطاوي ورئيس الوزراء نظيف وعدد من الوزراء وقادات الجيش وكبار رجال الدوله

سبق منير ف الصعود الفنانه هاديه و الفنانه ريهام عبد الحكيم مع اوركسترا المايسترو خالد فؤاد
ثم صعد منير مع فرقته وكانت الحفله كالتالي
=============

الاغاني بالترتيب
1-عروسه النيل
2-على صوتك
3-يونس
4-مساكن شعبيه
5-بعشق البحر
6-هاي هاي
7- اغاني نصر اكتوبر
8- مدد


=============

الملك :
- تقريبا المره الاول ال اشوف فيها منير ب " جرافت " وقال للريس دي عشانك انت !!
- لم يهب الموقف و تعامل مع الحدث بحرفيه شديده حيث انها لم تكن اول مره له فقد اقام العديد والعديد من احتفلات القوات المسلحه و ثاني مره له في احتفال القوات الجويه اما الرئيس
- كان ف شده التركيز وكان بيصر على انو يقدم الاغاني للريس زي مدد و يونس واغاني اكتوبر
- الغريبه ان كان الريس والحضور متفاعلين جدا مع منير مقارنه بمن سبقوه من المغنيات
- بعد السلام الوطني نزل منير وسلم على الريس والحضور وبعد لما الريس مشي استكمل الامسيه مع اصدقائه من رجال وقاده القوات المسلحه

=============

الباند :
- من رايي 7-10
- كلو كان مركز ال حد ما وكلهم نفس المستوى تقريبا
- اضافه كامنجا " بتلعبها بنت اول مره اشوفها بصراحه و ال يعرفها ممكن يقولنا " و كمان قيثاره ومش متزكر اسم العازفه بصراحه لكنها لعبت مع منير قبل كدا
- كلو طبعا لابس رسمي

=============

التنظيم :
- صاله محترمه جدا " الريس موجود بقى "
- التقديم .... جاسمين طه زكي
- هندسه الصوت .... عاصم السيد " غريبه "
- احمد عصام مكنش موجود وكانو مكتفيين بالمؤثرات الضوئيه بس


=============


كل الاراء الموجوده هنا اراء شخصيه بحته
وانتظرو المزيد ان شاء الله

[bady_mounir]

بصراحه انا من رأيى ان منير اديلو 15/10 مش 10/10 و بجد اغانى روعه و يارب دائما يا كنج

[f e z]

كبير والله يا منير بجد صوتك رائع جدا

[caspermido45]

to7faaaaaaaaaaaaaaaaaaaaaaaaaaaaaaa bgd el 7fla

[tago mounir]

يعنى منير غنى و 10\10 بس هوا منير يغنى قدامنا وبيعود ياخبط فى كلمات الاغانى ويجى قدام الريس ميغلطش فى ولا حرف سبحان الله ياريت الريس يحضر الحفلات بتاعتنا كمان علشان منير ميغلطش وغير كده اختفاء اوسو انا زعلت جداا انه مش موجود بس اعتقد من ساعات مطارده الحكومه للجيترست اعتقد هوا مكنش موجود بس لو حد يعرلاف اوسو مكنش موجود ليه يقولى ؟؟؟؟؟ شكراا

[dr_ahmed_zorba]

اقتباس المشاركة الأصلية كتبت بواسطة tago mounir يعنى منير غنى و 10\10 بس هوا منير يغنى قدامنا وبيعود ياخبط فى كلمات الاغانى ويجى قدام الريس ميغلطش فى ولا حرف سبحان الله ياريت الريس يحضر الحفلات بتاعتنا كمان علشان منير ميغلطش وغير كده اختفاء اوسو انا زعلت جداا انه مش موجود بس اعتقد من ساعات مطارده الحكومه للجيترست اعتقد هوا مكنش موجود بس لو حد يعرلاف اوسو مكنش موجود ليه يقولى ؟؟؟؟؟ شكراا

اوسو منزلش مع منير
لانو كان مسافر مع فرقه عمرو دياب كان عندهم حفله ف امريكا تقريبا لاس فيجاس او كدا
وسافر مع فرقه عمرو من قبليها بكزا يوم

[قمر الرحيل]

مرسيه دكتور ع التقرير

تسلم الايادى