حلم 2010

MOU · #1 (**permalink**) 04-04-2008, 10:26 PM

مساء الخير عليكم
دى أول مشاركة لى بالموقع الجميل ده .. والى دعانى لى صاحبى عبدو
المهم حبيت أشاركم فى تخيلات كده فى دماغى
طبعاً كلنا عارفين ان بطولة كاس العالم 2010 حتنظمها دولة جنوب أفريقيا ان شاء الله
عندى فكره و تخيلتها .. و هى ان منير يبقى من مشاركين فى حفل الافتتاح فى البطولة دى
منير معروف عالمياً بانه مش مطرب مصرى فقط أو شرقى .. لأ معروف عنه انه افريقى .. و مسلم .. و من موسيقى شمال أفريقيا .. ده تصنيف موسيقاه فى اوروبا و العالم .. انه موسيقى شمال افريقيا و موسيقى نوبية متطورة و فولك يعنى فلكلور
فتصورت منير فى حفل الافتتاح ده و معاه مطربين افارقة عالميين برصه .. و تكون روح الحفل افريقية عالمية . يعنى فى هوية و خصوصية افريقية بمعنى أدق
و يغنى مثلاً شوكولاته .. و ممكن تترجم مثلاً للغات أخرى .. و موسيقاها افريقية عالمية 100 % .. و لحنها سهل قوى
أو مثلاً أغنية زى افتح قلبك .. لازم بجد تاخد حقها و قدرها العالمى بمستوى كلامها و بمستوى التوزيع الى فيها و لحنها الى ممكن يمشى بكذا لغة فى تصورى
ووممكن وفتها برضو تترجم لأكثر من لغة و يغنوها مغنيين افريقيا إلى جانب أغنية خاصة بالبطولة مثلاً يعنى.. و بجد هتلاقى صدى جامد قوى عالمياً و العالم .. و هى مش أغنية عدائية .. بالعكس و كلمة افتح قلبك اختصار لحالة السلام و عدم وجود تفرقة
ايه رأيكم فى التصور ده و حلمى فى 2010 ... و هل ممكن منير يفكر فى حاجه زى كده ... و أنه يسعى إليها .. زى ما شفنا قبل كده وسط الدايرة فى حفل افتتاح دورة العاب البحر المتوسط

Misho Mounir · #2 (**permalink**) 05-04-2008, 04:22 AM

شكرا ليك على حلمك الجميل دة

أتمنى أن يصل إلى النور ويتحقق

بجد لو ده حصل هيبقى نقلة إعلامية جديدة لمنير

وأيضا هيكون فخر لينا وللمصرين :icon_1mounir:

ياريت فعلا دة يتحقق

يبقى الحلم صورة وصوت

هو إنت أحمد منير ؟ ؟ ؟ :Z:

crazy girl · #3 (**permalink**) 05-04-2008, 04:30 AM

ان شاء الله حلمك يبقى حقيقة تقريبا ده حلم المنايرة كلهم

abdo-m-mounir · #4 (**permalink**) 05-04-2008, 11:03 AM

طبعاااااااااا أحمد منير يميشووو أنت مش شايف التخيلات الجامده!!!

منورنا يماااااان وياريت ده يحصل بجد بس كان نفسناااااا 2010 تبقى عندنا هنااا بجد كانت هتغير حاجات فينا كتير بس يلا الحمد لله وياريت منير يروح عشان مفيش أنسب منه يعمل ده بجد وشيكولاته وأفتح قلبك مفيش أنسب منهم بجد لحاجه زى ديه

وحبه صبر حبة حماس يبقى الحلم صوره وصوت !!!!

omero the king · #5 (**permalink**) 07-04-2008, 02:14 AM

ياريت و الله و هتبقى حفله عالميه و مكسب كبير للبطوله لان منير اغانيه كلها من جوه قلب افريقيا و الحانها و فولكلورها

kododa · #6 (**permalink**) 13-04-2008, 12:56 AM

الله حلم جميل اوى

ويريت يحصل بجد

شيكولاتة هتبقى جامدة موووت

Masri Mounir · #7 (**permalink**) 14-04-2008, 02:38 AM

walllahy klam m32ol ya man w momken leah l2

MOU · #8 (**permalink**) 16-04-2008, 01:15 AM

shokrn 3l roodoood :D
w isa yet7a2a2

kanu_mounir · #9 (**permalink**) 22-04-2008, 03:42 PM

والله بجد يبقى انجاز

ويبقى شرف لمنير ولمصر انو يتواجد فى حفل كبير

وان شاء الله مصر تكون متواجده فى المونديال

SHisHO · #10 (**permalink**) 22-04-2008, 04:53 PM

حلم جميل صعب تحقيقه جدا
ايه رأيكم نحول الموضوع من 2010 في جنوب افريقيا
ل2009 في قلب مصر في بطوله كأس العالم للشباب
بيتهيالي ده اسهل
يارب يا منير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

Mounirians Café

حلم 2010