فى رأيك هل منير مميز ؟ و لماذا ؟

[sHeRoOo]

ياريت الكل يجاوب علي السؤال دة .. عايزين نعرف اية مميزات الكينج و اية الفرق بينة وبين المطربين التانين

[m7mD]

بص فى عينو و انتا تعرف مميزاتو يا مان
بص فى عينو و انتا هتشوف البريق الى طالع منها
هتحس ان الشخص ده فى حاجه مميزه
فى حاجه تخليك تركز معاه
و منير مش بيغنى اغانى علشان تتسمعه فى افراح و يجيبو راقصه ترق عليها و خلاص
الملك بيعمل اغانى هتعيش لعشرات السنين ادام
هنمووووووت كلنا
و هيفضل صوت الملك يرررن
سواء فى مصر
او فى امريكا
او فى المانيا

هيفضل فكرو موجود
هيفضل حبو للحريه عايش
هيفضل عشقو للابداع مستمر

و هنتقل من جيل لجيل

احنا اتكلمنا فى الجزء الى مخلينى احب منير من عقلى

نيجى لحب منير من القلب
عمرك حسيت ان مصر بتتكلم ؟؟؟
بجد و انا بسمعو بحس ان ده صوت مصر لو مصر اتكلمت
مفيش اصدق من احساسو
مفيش اطعم من كلامو
مفيش اذكى من اغانيه
الى اول ما تسمعها تفهم معنى
و بعد كده تلقيها بتكلم على حاجه تانيه
و بعديها بفتره
تلاقيها بتقصد حاجه تانيه

مستنى ايه من راجل بيغنى لاكبر مؤلفين فى مصر ؟؟؟
و اجمد ملحنين فى مصر بيلحنو ليه ؟

انا مش عارف اكتب اقولك انا ايه الى بيخلنى احب منير
بس عارف اما تحس
ان واحد بيشبع فيك حجات كتيره فى وقت واحد
مخنوق بيفك خنقتك
بيخليك تفكر
بيخليك تتكلم
بيخليك تحب
بيخليك يبقى عندك حاجه تؤمن بيها

انا ممكن حد يقول انى ببالغ
بس انا بتكلم
على احساسى انا

انتا عليك الدور ترد على السوال بتاعك بقى يا مان

[sHeRoOo]

:x17: :x17: :x17: اقول اية بس يا عم بعد كل الكلام اللي قولتة انت دة .. بس اكيد لازم ارد علي السؤال ..
انا ف رائي ان الكينج مش كينج علشان صوتة الجميل دة بس ولا علشان الحانه ولا علشان احساسة العالي بكلماتة . امال اية بقي اللي يميز الكينج عن الباقي ؟؟؟ اللي بيميزه انه عندة موهبة عالية جداً بانة بيحس باية اللي محتاجة الجماهير واية مشاعرهم و احلامهم وأحزنهم .. اية اللي بيكرهووا واية اللي بيحبووة .. اية الي عايزينة واية اللي مش عايزينة .. اية اللي ممكن يتغني واية اللي مش ممكن .. بيخليك تكوون ف موود مش عارف هوو اية .. من الاخر يا جمااعة لو قعدنا نكتب 100 سنة عن اية اللي بيميزة عن الباقي اكيد مش هنوفييه حقة بدون مبالغة .. وشكراا علي احلي واجمل مرور ياباشا

[m7mD]

احلى كلام يا باشا
:x28:

[ayasofya]

اللى بيميز منير عن غيره انا هتكلم عن اول حاجة وهى الموهبة اللى ربنا نزله بيها صوته فيه حاجة غريبة بتشد كده وانا بعشق نبرة صوته حتى وهو بيتلكم بخطفنى وكمان اللى بيجمل صوته اكتر النبرة الصعيدية اللى كلها جاذبية ورجولة.
والحاجة التانية اللى بتميزه(المكان)يعنى النوبة انتوا ممكن تستغربوا ايه اللى انا بقولوا ده بس انا شايقة ان النوبه بجمال الطبيعة من الخضار والنيل والجبال بتنمى وترقى الاحساس وتدعو للتأمل.
وحاجة كمان طبعا(كلنا عارفين ان والدته اول سيدة تدخل المدرسة فى قريتها) السرة مثقفة متفتحة ناجة وديه حاجة سعدت فى تكوين الشخصية العبقرية.
واللى بيميز منير حاجة مهمة سعدته على تنمية والارتقاء باحساسه التحاقه بكلية الفنون التطبيقية.
انا كنت لازم اقول الحاجات ديه لانه لازم نعرف النشأة اللى كونت العبقرى محمد منير.
ومن حظ منير ان فى بداية مشواره الفنى وقع فى ناس عشرة على عشرة اول البوم ليه غنى لاعظم الشعراء فى مصر طبعا(عبد الرحيم منصور)وانا شايفة انه مش حظ بس لان الشخصية العبقرية منير لازم تتعامل مع الناس ديه.
واللى بيميز منير انه ذكى جدا جدا والذكاء ده هو من اسباب نجاحه لان المطرب من غير الذكاء مش ممكن ينجح,منير عارف هو المفروض يغنى ايه وايه اللى مش يتغنى دلوقتى,فيه ناس كتير بتقول ان منير مستواه قل اوى ومش بقى زى زمان وانا معاهم منير فعلا مش زى زمان بس لو بصينا زمان كان فيه حاجة هى اللى بتدفعه للغنى ده والحماسة ديه وكانت الناس كلها كده,بس منير دلوقتى وطبعا مافيهاش كلام من احسن وارقى واعظم اللى بيغنوا دلوقتى رغم الظروف الصعبة والازمة فى الملحنين والشعراء وزمن الفن بقى اللى معاه فلوس يعبى شريط واستعراض الاجساد والنبرة( الحميرى) :) الا انه بردوا لسه بيقدم حاجات عظيمة وليها معنى وقادر يحافظ على مكانته لحد الان.
واللى بيميز منير انه مثقف اوىىىىىىىىىىىىىىى وقليل لما تلاقى مطرب مثقف كده والثقافة ديه بيترتب عليها حاجات كتير بتكون لون وشخصية وفكر وده واضح فى كلامه وفيه اغانيه.
وانا شايفة ان اللى بيميز منير والحاجة اللى انا بعشقها فيه انه خجول جدا جدا وديه الحاجة اللى بيقربه للناس وتحس انه واحد قريبك واحد تعرفو مش غريب عنك ولا بعيد, اول لما تشوفو على المسرح او فى لقاء تحس انه منكمش وخايف كانه مطرب لسه حديث الولادة فى ساحة الغناء لكن اول لما يتكلم وتبص فى عينيه وتشوف لمعتها تحس ان انت امام اذكى واقوى واعظم شخص.
انا لو قعدت اتكلم من هنا لبكرة مش هوفى منير حقه هو فنان عظيم ويستاهل كل احترام وتقدير لانه محترم بحترم كل جمهوره وزملاءه مش بيغلط فى حد ولانه بيقدم فن راقى بيخاطب العقل مش الجسد,
فيه شخصيات فى كل مجال بينحنى لها التاريخ احتراما محمد منير فى مجال الغناء التاريخ والناس هتنحنى ليه لانه لون غنائى مش هيجى زيه ابدا.

الكبير كبير بنحبك يا منير

:x36:

[haytham]

يخرب بيتك يا اية
انتى فعلا وصفتى منير بالظبط
بس نسيتى حاجات
ان منير بيحب مصر قوى
وان منير بيحس بالناس الغلابة
وانه بسيط جدا
يعنى لو شاف واحد غلبان فى الشارع بيصعب عليه قوى
وان اما تشوفيه ع المسرح تحسى ان فى عينيه حاجات كتير ومشوار كبير قوى
واحلى حاجة فيه انه بيحلم كتير وطموحاته كبيرة
وبحس انه مش بيغنى كده وخلاص
لاده بحس انه بيحب يفرح الناس
ويفرح جمهوره
هقرب هقرب ومش ممكن اهرب وتنزل دموعى على خدودى تشرب تلاقى الرموش
والخدود والمباسم مراسم وصورتك عليهم يا مصر
مفيش غيره بيغنى لمصر مفيش غيره بيحس بالناس

[البلايتشو]

انا بصراخه كنت بسمع منير ونا صغير كان بابا ديما بيخلين اسمعه فى البت فى العربيه بابا كان مغرم منير كنت بقول اده بس بدات اكبر واكبر لغاية ما بقى عندى عشر سنين بداية اسمع الشخص ده بيقول ايه بس حسيت انه حساس رومانسى كلامه حلو حبته
لما كنت بضايق كنت بقعد مع نفسى واسمع اغنية الحزن كنتب بحبها والى حببنى اكتر واكتر فى منير اعز اصدقائى محمد اشرف الشاذلى بيسمعه كتير حبيت منير مش المطرب لا منير الحساس منير المصرى منير ابن النيل صوته هيفضل فى ودنى لغاية لما اموت كل مااحلم بحاجه واحس انى فشلت بسمع منير بحس انه بينصحنى بيقولى احلم وحلمك مش هيموت علشان كده بحب اغية قبل ماتحلم فوق وبحبه بجد الاسطوره سفينة الاحساس الدافى منير

[الصديق(حفيد شمبات)]

[محمد منير هاجر بلدو السودان ما عارف بعمل معانا كده ليه

[Misho Mounir]

سودان مين بس :day5:

ياباشا ياريت بس تعرف إنت بتقول إية

منير مصري 100%

بلاش إشاعات والنبي

[abdo-m-mounir]

اقتباس المشاركة الأصلية كتبت بواسطة الصديق(حفيد شمبات) [محمد منير هاجر بلدو السودان ما عارف بعمل معانا كده ليه

يباشا أنا نفسى أعرف انت ليه مصمم أن منير من السودان والله من مصر؟؟؟لو انت متأكد أنووو من السودان كده أثبت وأحنااا حنحاول نسدق بس مينفعش والله مصررررررررررى مصررررررررررى ده أحسن حاجه فى بلادنا ده الهرم الرابع ده كل حاجه بتدل على مصر ده الكبير ده حدووته مصريه ده علمونى عنيكى ده حودايت ده عصفووور ده منيرررررررررررررررررررررررررررررررررررر وشكر لمحمد وأيه جابووو كل حاجه فى الملك مفيش حاجه بعد كده بجد الكبير كبيررررررررررررررررررر