حمله '' حفله منير للجميع ''

[m7mD]

ازيكم يا منايره
ندخل فى الموضوع على طول من غير مقدمات

كنت قريت مقال فى الجورنال بعد حفله الملك فى راس السنه
و بجد وجعتنى فيه كلمه قالها الصحفى ان بمجرد صعود الملك على المسرح
و بمجرد ما بداء يغنى انتشرت ريحه البانجو و الحشيش فى كل مكان

و الى وجعنى اكتر ان الصحفى ده مش بيفترى او بيألف

كل المنايره عارفين ان اغلب حفلات الملك بالتحديد حفلات الاوبرا
اول ما الحفله تبداء الشباب كلو بيولع
الى معاه حشيش ماشى و الى معاه وييد اووكى و الى مدخل ازازه بيره مفيش مشكله

و كلو ماشى
فى ناس شايفه ان هى كده بتقدر تندمج مع الميوزك بتاعت الملك اكتر

بصو كل واحد حر فى طريقه سمعاه للملك بس
من مبداء الحريه الى كلنا بنادى بيها و مؤمنين بيها
انك متتعداش على حقوق الناس التانيه

انا مش هقولكم مش تشربو و تعملو هيد و تندمجو
بس الافضل ان كل واحد يعمل الى هو عايزو قبل ما يدخل المسرح
و يبقى داخل المسرح يسمع منير فقط

على الاقل علشان نضيع السمعه الى طالعه على جمهور الملك فى الحفلات
انه رايح يشرب و يهيص بس

بجد عايزين نلغى فكره ان حفلات الاوبرا الى هى احلى حفلات الملك
بتبقى حكر على الشباب ( الضربيه فقط )
عايزين الحفله يحضرها كل محبى منير فعلا
شباب و بنات و مثقافين
و نسيب مجال للاسر الى بتحب منير تحضرله الحفله
بجد عايزين نطلق دعوه من موقع منير لافرز
تبقى زى حمله اسمها :

حفلة منير للجميع

[dr_ahmed_zorba]

تمام اوي يا محمد الموضوع دا
بس هاقولك على حاجه
انا معاك جدا ان احنا لازم نوعي الناس دي
بس متاخذنيش يعني
انا اصحابي ذات نفسهم مش قادر اخليهم يبطلو
ولو حتى ف الحفله بس
هنقول بلاش سلبيه وخينا ايجابيين
ماشي حاضر
بس مثلا هنعمل ايه
لو واحد ولع جمبك هتقوله باصي يا كابتن ووتاخده تطفيه ولا ايه بالظبط
ولا هنققوله لو سمحت اطفي الجب بس عشان الخنقه
هتلاقي مليووووون خنافه
ومعظم الناس فعلا بيشربو ف الوقت دا
يعني انت سعتها مش بتتعامل مع ناس فيقه
المهم
وبعد كل دا
مش هما دول المنايره
المنايره بيبانو ف الحفلات
محترمين وبيبان على شكلهم
حتى ولو كانف حد منهم بيشرب بس مش عربيد يعني
وكل همه ف الحفله انه يسمع منير
مش يشربلو حاجه كدا ولا وكدا
وانا اتمنى ان الحفلات تبقى كدا فعلا
ولو انو صعب
بس مش مستحيل
وانا اتمنى
ومعااااااااااااااك يا محمد ف حملتك

[sEso]

انا ممكن اشرب لكن وانا رايح للملك مستحيل ..

اقسم بالله انى انا مبشرب حاجة وانا رايح الاوبرا ... ممكن بعدها .. لكن انا بخلى منير هو الى يظبطلى دماغى .. مش اى نوع من انواع المخدرات .. الصراحة حلوة ودى من طبعنا .. لكن بجد كفايا وقفتى قدام منير وانا ماسك الخشبة دى عندى بالدنيا ..

شكرا للموضوع دا .

لكن دا رايى وكل واحد ليه رأيوو مقدرش اجبر الناس على رأيى انا .. :)

[Masri Mounir]

اقتباس المشاركة الأصلية كتبت بواسطة sEso اقسم بالله انى انا مبشرب حاجة وانا رايح الاوبرا ... ممكن بعدها ..

يا مان و الله مصدقينك و مش لازم تحلف


ثانيا انا معاك يا مان و الحوار دا
بجد انا بكون مخنوق و متضايق أوي لأن فعلا حفلات منير معروف عنها كدا
انا فيه مره و انا رايح الأوبرا لمنير قولت أجيب واحد صحبي معايا
فبسأل أبوه قالو رايح حفله لمين قالو لمنير قالوا فين قالوا ف الأوبرا قالو لأ
ع شان كل الموجودين حشاشين

الحته دي بجد ضايقتني اوي

غير المخدرات كمان فعلا الزق البشع
يعني تبقي واقف بتسمع الملك و انت رايح شمال و يمين عمال تتزق لأدام و لورا
يريت بجد يجماعه نحاول نغير الفكر اللي متاخده عن حفلات الملك

[crazy girl]

دي بصمه في حفلاات منير ولما قلت كدة الكل قعد يقولي لاء ومش لاء بس دي حقيقة انا مجرد ما بجيب لمااما وبابا سيرة حفلة لمنير بيبقى يوم موش معدي بجد وبصراحة حقهم حتى لو وافقو انا ممكن اخاف ومروحش وده حصل فعلااااااا معايا موش مستاهلة تهزييق يعني

[ميدو عاشق منير]

شفتم يا منايرة الاستاذ محمود سعد في البيت بيتك قال لمنير جمهورك بيتعرف من ريحته مالهاش غير معني واحد قصده علي الناس اللي بتشرب في الحفلات ياريت يبقي في حل للموضوع ده لان حفلات الكينج المفروض ما يبقاش فيها كده اللي عاوز يتنيل يتنيل قبل الحفلة

[مستقيل]

الله حلو اوى الشعار ده
حفلة منير للجميع يعنى زى القراءة للجميع
ههههههههههههه
انا معاكم وياريت منبقاش سلبيين ونحاول نعمل اى حاجة