| |
| |
04-06-2008, 02:57 AM
| ||||
| ||||
| سلام عليكم طبعاً اسم التوبيك كاتبوا مش ضد أغنية منير ولا حاجه .. بس قصدى ان الألبوم ده حيعيش كتير مش ساعات ... و مش حيفوت كده .. لأنه خلاص حفر نفسه بقوة منير غير جلده شوية فى الألبوم ده .. و رجع برضو لحاجات قديمة حلوة : أولاً : ( الكورال ) أخيراً يا منير استغنيت عن الكورال ... و قررت تخلينا مانسمعش غير صوتك و بس فى ألبوم كامل ( باستثناء أغنية نيحربيه ) بس كورال الأطفال بالنسبه لى حلو والمهم انك ابتعدت عن فريق الكورال العجيب ده .. و طبعاً الأليوم طلع أقوى و أحلى أقوى كورال بصوت منير فى الألبوم بجد هو الى فى مش محتاج أتوب....عجبنى قوى قوى بجد معمول حلو قوى اخر مرة منير غنى من غير كورال كان ألبوم شبابيك تقريباً و كان هو الوحيد أصلاً الى من غير فريق كورال ثانياً : منير عشان يأكد ان الألبوم مش عادى رجع تانى بلزماته و جو الحفلات و دى رغم جرأتها .. إلا انها طالعة منه بمزاج قوى قوى و عامله جو حلو فى الأغانى عموماً و حالة اسمها حالة منير ثالثاً : أسامة الهندى بجد حفر اسمه فى الألبوم ده بقوة ... شغل بجد بحترم ثقة منير و لم يضيعها .. و اختيار حلو قوى للألات . ده غير انه مطلع صوتها حلو قوى فى الألبوم . رابعاً : ( بخصوص البوستر ) بوستر الألبوم قكرته قوية و عجبتنى عموماً بغض النظر عن ان الصورة قديمة .. بس الشغل اللى فى البوستر و فكرة ال 9 فراشات اللى بيحلقوا حول منير و منير بنظرته البعيدة و رقم واحد البوستر بجد محتاج نظرة من تانى لأنه مخبى كتبر فى صورة واحدة فقط !! خامساً : بصراحة اتصدمت لما قريت اسم عازف الجيتار مصطفى أصلان لعبه بجد فى الأغانى حلو قوى قوى و متوظف حلو ...انا ما توقعتش انه كده أبداً سادساً و أخيراً : الكلمات طبعاً هى أكتر حاجه علقت مع الناس و ما استغربتش ده .. لأنها أولاً مختلفة اختلاف رهيب جداً جداً جداً بينها و بين كل اللى موجود من مدة فى السوق . كلمات ملموسة و راقية لأبعد الحدود سواء رومانسى أو حزين أو اجتماعى أو حتى شعبى..... و الاختلاف فى التناول .. اختلاف فى الأفكار .. منير بيغنى من 30 سنه و لسه بيعرف يجيب مصطلحات بكر طازة زى ما بيقولوا و لا يعتمد على اى كلمات مستهلكة حتى لما قال بحبك .. قال بحبك شمس فى بردى !!!!!!!!!!!!!!!! يعنى الكلمات دى مش وليدة غير نتاج جهد و عبقرية و البعد كل البعد عن الاستهلاكية و فى نفس الوفت الكلام قريب و محسوس .. و دى معادلة صعبة بل مستحيلة غير مع منير لأنه بيجيب كلامه من منطقة تانية غير الى منتشر فى السوق عشان كده فارق . من أكتر الكوبليهات رغم ان كلها عبقرية . بس بما انى عاشق منير فى التمرد و الانطلاق .. فاخترت ده مش محتاج خضوع ولا حزن و دموع وحاجات مؤلمة أنا محتاج براااااااح وبلقى ب 100 جناااح وألمس السماااااا طولت معلش .. ندخل على الأغانى - يونس : أقرب أغنية لقلب منير بلا منازع فى الألبوم ده ... و دى اكتر اغنية منير اتكلم عنها.. أكتر من طعم البيوت نفسها و طبعاً أحب أغنية ليه غناها بكل طاقته بجد و احساس عجيب غريب رهيب مريب بجد .. عشان كده اكتر اغنية معلقة مع الناس كلها سواء بيحبوا منير أو أول مرة يسمعوه .. كله منبهر من الأغنية دى بجد الكلمات للعملاق عبد الرحمن الأبنودى و أول مرة أعرف من شرح شيمو أصل الأغنية عموماً مقدمة الأغنية مفسرة باقى باقى الكلام بنفسها ,, بس بحبها اكتر من منير فى اللايف.. لأنه بيغنيها اهدى شوية صغيرين و صوته اتخن . أكتر كوبليه بيعلق معايا . قلبى ضايع مين يلاقيهلى .. باينلى نسيتو حدا أهلى ينفع أحبك من غير قلبى ,,.. ما تردوا عليها و عليا لحن محمد رحيم بجد جه جميل قوى و قريب قوى من الناس ,, و لحن الانترو رائع برضو بالذات اخره التوزيع بقى :عبقرية موسيقية و نهايه كلاسيكية مقتبسة فى مكانها الصحيح ( لعمل الصدمة الموسيقية و اجمل نهايه للأغنية) ... و زى ما فى عضو كان ذكر فى ايجى فلم اللحن ده من أغنية أغداً ألقاك .. لأم كلثوم و من لحن الموسيقار محمد عبد الوهاب . دخلة منير كأول أغنية فى الألبوم بصوته من بعيد و بيقول جاى من بلادى البعبدة .. بجد اختيار موفق جداُ انها تبقى أول أغنبة فى الألبوم مكانها صح قوى لأنها كمان هتفتح نفس أى حد على الألبوم و كمان البيانو اللى مع منير حلو قوى قالب توزيع الأغنية هو المقسوم و فى 2 صولو ربابة ..أول واحد فرايحى شويه .. و التانى حزاينى شوية الى فى الأخر قبل القفلة صولو الرباية قمة فى السنجام مع الأغنية و مش طالع مزعج اطلاقاً .. و الجيتار تحسه كأنه بيواسى و يرد على منير بطريقته فى كوبليه جلبى ضايع مين يلاقيهلى ... باينلى نسيتو حدى أهلى ... جيتار مصطفى أصلان بيرد حلو قوىى و بصعبانية غريبة على منير عشان كده دى اكتر جته عجبانى عموماً سواء كلام أو موسيقى . الطبلة حلوة - مش محتاج أتوب : الكلمات بجد روعة ... أولاً عكس كل ما تم تناوله فى التوبه والذنوب الى كانت أساسية فى أغانى الهجر لكن مع منير منطق نحن نختلف عن الأخرون شكلاً و مضموناً ... التناول اختلف مش محتاج اتوب حبك مش ذنوب ولا عشقك خطية أنا محتاج أدوب .. قلب و روح و اتوب يا اجمل حاجه فيا بجد باحترم فى كلمات أغانى منير انه بيعمل حاجه اسمها thinking out of the box مش بمعنى انه ضد التيار ... بس بيجيب الكلام من بره جو السوق و بره التناول التقلبدى و عشان يعمل كده لازم ينعزل عن كل اللى موجود و يطلع بدماغه بره سواء هو أو الكاتب العبقرى طارق عبد الستار خصوصاً انه فى كوبليه رهيب و باعتبره عن نفسى اقرب كوبليه ليا و اكتر كوبليه حبيته مش محتاج خضوع ولا حزن و دموع و حاجات مؤلمة أنا محتاج برااح . و أبفى ب 100 جناح و ألمس السماا ليه الافتراء ده ... ليه التمرد والانطلاق ده خصوصاً اللى بتعمله المزيكا بعدها طبعاً التوزيع بقى ملعب منير .. ملعب الجاز والفانك .. طبعاً شقلبة فى الموسيقى .. وأغنية بجد صعبة كتوزيع و كمان فيها حاجات متسجلة لايف على مرة واحدة على طول سواء منير أو الدرامز الجيتارات .. و صولوهات أكتر من رائعة ومنير عمل القالب ده فى أغنية كريشندو من ألبوم شبابيك بس كانت فانك صريح عن كده و فى دى زود الات نفخ شديدة قوى و تحفه الأغنية فى السامبل كانت باين انها قوية .. بس ماكنتش أعرف انها هتطلع فاجرة كده و مزاولة يجد الانترو تحسوا بغموض .. و عباره عن تعريف بالات الأغنية برضو .. ,و بعدها زى ما قال العضو( محمد عطيه ) الطبلة راى فادت احساس فى الأول اته راى و بعد كده الإلكترك بينقلك لجو الأغنية لما العازف بيمشى بإيده على دراع الجيتار بيعمل صوت ده و تدخل الدرامز بقى و كده الصولوهات الى فى أغنية كاولة و سكسفون عاليين قوى فى الكترك حلو قوى بيطلع مع كوبليه أنا محتاج أبوح ... إلخ .. لحد ما صولو الكاولة يلعب و تألق فى الصولو الى ميز الأغنية هنا عن الأغانى الغربى من نفس نوع الموسيقى و فى الكوبليه التانى الى بيقول مش محتاج خضوع ولاحزن و دموع الالكترك بيرجع تانى و منير بيقول وييه فى مكانها الصح قوى بعد ما لمس السما بقى و ينطلق بعدها نور عازف السكسفون و هو بيلعب فى فريق رسسالة ( الى غنوا اغنية يا ابو جلابية . فى فلم احنا اتقابلنا قبل كده ؟َ ! ) عمل صولو حلو قوى و بعد كده منير بيرجع تانى و صوت كورال مختلف عن الى فى أول الغنوة و عن الى فى نصها كمان .. يعنى 3 أصوات كورال ب3 طبقات و تكنيك غنا مختلف و بعدها حتى مزاج بقى من منير لأنه أكبد و هو بيغنى على المزيكا دى دماغه اتشحنت و اتمزج فحب يشاركنا المزاج ده و يبسطنا و بيقفل الأغنبة بلزمة حلو قوى بصوته بجد طالعه هايلة و للأمانة دون مبالغة .. اسمعوا المزيكا دى و اسمعوا اى حد بره بيلعب فانك و جاز زى فريق جالاكتك GALACTIC .. و انتوا تعرفوا ان اسامه الهندى أبدع فيها , و عمل شغل رهيب من غير كسوف : من تانى أقرب الأغانى للناس الجديدة على منير حالة حلوة قوى و كلمات قوية ... و فيها افيه حلو الى هو من غير كسوف .. و مشيت وياى للأخر .. أتارى أولك أخر - مقسوم لذيذ راقى جداً و مش مقسوم صقفة ( كما هو سائد فى السوق كالعادة ) .. و كمان الجديد فيه هو الة الهارمونيكا الغربى ..صوتها مؤثر قوى فى الأغنية هنا ,, وتريات ألأغنية حلوة قوى . أغنية برضو قريبة من الناس التعديل الأخير تم بواسطة marmounir ; 04-06-2008 الساعة 12:58 PM.  |
|
04-06-2008, 02:58 AM
| ||||
| ||||
| - طعم البيوت : عنوان الألبوم ...و حالة الألبوم و فكرة الألبوم و حلم منير من سنة 94 كلمات حلوة و معبرة و بترسم صور حلوة .. أتمنى ما تضيعش فى الكليب لو اتصورت لحنها فى جزء زى الهيب هوب كده لما بيقول ( طعم الحاجات بيعيش ساعات .. إلى ما يعيش غير طعم البيوت) و فى ( أسرار كتير عدد البيوت فى الشارع الطيب .ز ‘لى ما يبنش منها غير الى يطلع منه صوت ) باقى اللحن حلو قوى من أحمد فرحات الى عمل قلبة حلوة بين السنيو و الكوبليهات و تدرج فى اللحن فى الكوبليهات نفهسها حلو التوزيع عبقرية و عمل عنصر صدمة و دهشة ... طبعاً الناس سمعت البوم اسمه طعم البيوت توقعوا اغنية شرقية ... لكن أسامة الهندى عمل فكر تانى عشان يخليك تركز مع الكلام و برضو عبر عن الأغنية بتوزيع غريى خالص 100% متنقل بين الهيب هوب و الروك و كفاية وجود اللازمة بتاعة الأغنية الى هى بيركاشن + الكترك لو ركزتوا الأغنية اسمها طعم البيوت اللازمة الى فى الانترو واللى مكملة فى باقى الأغنية عبارة عن صوت بيركشنز بيعمل خبطة زى خبطة باب .. و بيرد عليه الإلكترك و بتفضل اللازمة مكملة بطول الأغنبة و هى اللى ماسكة الأغنية و معاها بيت الدرامز العنيف منير بيقول السنيو الى هو ( طعم الحاجات .. لحد ..ما يعيش غير طعم البيوت ) 5 مرات بطول الأغنبة ...كل مره بيحصل حاجه جديدة فى المزيكا اللى ورا الى هى بجد معقدة .. فى كلام كتير فوى بيحصل ورا صوت منير الى هو أهم حاجه فى الأغنية عشان الكلمات تطلع واضحة أول مرة فى الأنترو ... تانى مرة بيقوله على غير المتوقع ( بعد ما يبانش منها غير الى يطلع منه صوت ) لأن فى العادى ان بعد ده بيحصل فاصل موسيقى و يدخل الكوبليه الى بعده بس أسامة الهتدى رجع بالسنيو تانى على طول .. و فى صوت تانى زاد ورا فى المزيكا غير لازمة الجيتار والبيركاشن و البيز القوى قوى فى ألأغنية تالت مرة بتبقى قبل الصولو .. و وقتها بيكون فى صوت الكترك تانى غير الى فى اللزمة .. بيلعب بهدوء ووضوح اكتر و بجد عمل صوت حلو قوى بطول الأغنية .. مصطفى أصلان عمل كتير فى العزف ده فعلاُ ... و فى سترينجز كيبورد بس صوتها بعيد شوية عشان كتر الحاجات الى فى الخلفية أسامة شايف انه تحكم فيه بحرفنه قوى .. خلى كل جاجه تلعب بطول الأغنبة كلها و بيعلى و يوطى بنسب معقولة عشان ما يحصلش تشتيت و زحمة و ما تحسش بحشو على الفاضى .ز و عشان ماتزهقش من الكوبليه بتاع طعم البيوت ... لأنه فعلاُ لو ركزت فى كل مره هتلاقى اختلاف ورا صوت منير رابع و خامس مرة بعد الصولو الكى بورد ... و بيكون الإلكترك التانى شغال بصولو تانى من أول الدقيقة 2 : 37 ... فى صولو كيبورد بيتلعب بتكنيك الكترونك ميوزك يببقى قبل الدقيقة 2:37 .. طبعاً الموزع عشان يأكد على الأغنية قفلها بصوت منير لوحده و هو بيقول طعم البيوت و ما اعتقدش القفلة دى حتعجب ناس كتير .. بس هى كانت دة وجهه نظره غالباً - يا أبو طاقية منير م الرحبانية بقى و تغيير جلده و لبس ثوب جديد لأغنية دى منير نفسه جديد فى صوته و جديد فى طريقة الغنا ... و الرحبانية لسه عايشين و سمعوها من منير .. حنسمع خبر صباح بكره فى الجرايد صوت الجيتار الى فى الأغنية مميز جداً و انترو لذيذ عموماً من الجيتار و العود جو الموسيقى بيعزلك تماماً عن كل ما هو حولك .. لتستمتع بموسيقى شقية لايت .. و صوت شقى من منير ملائم مع شقاوة الكلمات تماماَ .. و فى حركة كده فى تلت الأغنية الأخير الموسيقى تقف و يحصل عدة من تانى .. استكمالاً لجو الشقاوة الى فى الأغنية .. و صوت الكمنجات مش عارف بيحسسنى بجو موسيقى الى فى أرياف أوروبا كده و اسكتلاندا عيب الأغنية ان منير بيقول السنيو و باين قوى انه مكرر.. بنفس الايه فى كل مرة فى اخره من منير هو أى نعم كل المغنيين بيغنوا كده .. الكوبليه بيتسجل مرة واحدة و يتكرر .. بس منير مدام زود لازمة خاصة فى الكوليه كان يفضل يلعب بيه مرة اه .. مرة لأ .. كده عشان يدى تفاعل أكتر عموماً عود رومان كالعادة مصرى صميم -معاكى الفنان مجدى نجيب ... ده مش شاعر عادى حالة فريدة بجد ناس صحابى عجبتهم الأغنية بيقولولى منير ازاى و منين جاب الكلام ده .. فبقولهم نفس الشاعر هو الى عمل لمنير ممكن .و حواديت و يا انا و من أول لمسه وشبابيك و يا زمانى .. فطبعاً انبهروا ازاى فى واحد بيفضل يبدع على مدار 26 سنه كده افيه باضحك نفسه و ادخاله فى قالب رومانسى كده عبقرى و كالعادة الكلام من خارج الصندوق والتقليدى حتى منير لما بيقول بحبك .. قال : بحبك شمس فى بردى .. تغطينى بالدفا الوردى بحبك حلم على قددددى .. يا أغلى ما عندى .. و ادى حااالى كلمات راقية و تحس انك جنتلمان كده و انت بتسمع يعنى وصف و احساس غريب بجد . و منير بجد بيقول عااااالى بعبقرية .. وجيه عزيز كالعادة عمل لحن على مقاس منير و احساس باكلام راقى جداً التوزيع تانى منير مع الجاز بس المرة دى جاز و بس ... توزيع هادئ و رومانسى جداً يعلو باحساسك فقط لأبعد نقطة .. خصوصاً فى صولوهات السكسفون الى فى الأخر بجد حالة ابداااااااع جبارة و جو رمانسى رهيب بجد الأغنية أو التوزيع ده لو مع اى مطرب تانى قى مصر .. أراهن بنسبة 99 % اننا ماكنش حنسمع الصولوهات الى فى الأخر دى ..و كان المطربين يقولوا لأسامة شيل الكلام ده .. انا عايز أقفل الأغنية بصوتى لأن الجمهور عايز كده ( طبعاً ده الفكر السائد فى مصر للأسف الشديد ) و ريثمات الالكترك الى ماشية بطول الأغنية جميلة ملعوبة زى باس هايلة والعضو محمد عطية اكيد حيقول شعر فى الأغنبة دى لأنه عاشق للجاز و عاشق لفريق العمل و صوت الأوبرالى ده عامل جو خاص زيادة من الرقى و الابتعاد و التحليق لفوق مع كلام الأغنية - كان فاضل : الكوبليه الأساسى الى هو ما بين كده او كده حلو و حاله حلوه الكوبليه بتاع مش عايز بكره يفوت و انا لسه باموت .. يقطع بجد منير غلف الأغنية دى بصوت تحس فيه بالدموع مش الحزن ..و عطش الجيم فى (يجرح ) والأغنية كانت حلوة انها اتقالت على مرة واحدة كلها لأن الفاصل فى الأغانى دى مش دايماً بيطلع حلو و لازم يكون بيانو مالوش حل .. فالموزع أكيد حب يغير و اكتفى بلعب البيانو الى بطول الأغنية عموماً و الأكوستك كوردات حلوه موسيقى ملائمة تماماً لجو الأغنية .. و أكووستك لذيذ و لسه مش بيعمله غير محمد منير فقط !!!! و شريف نور بيثبت من خلال الأغنية دى و انترو يونس انه من اقوى عازفين البيانو و أعلى احساس ( طبعاً عمر خيرت حالة متفردة ) نيجربيه شقاوة نوبى و انترو مخادع .. و كلاشات الدرامز الى ماشية فى الأغنية حلوة قوى ,, و البريكات برضو جامدة تسخن الواحد فى الحته بتاعة ميناا ميناااااااااااااا . الدرامز ورا بتبقى تحفة و طبعاً صولوز حلوة لزاماً : كلمات مجدى نجيب و الأغنية دى كلها معتمدة على ان رجوع الغائب حيترتب عليه النهار و كلمة نهار مكررة 3 مرات فى كل كوبليه وجيه عزيز بأمانة خضنى وانا باسمع كلمة ومستحيل . لأنى افتكرت مستحبل الى فى ممكن و خفت ينسى و يكمل بافى اللحن على ممكن ... بس اللحن راح منطقة بعيدة عن ممكن الحمد لله توزيع الأغنية منير حزين .. يبقى لازم تسمع الحزن مباشرةً من غير اى ايفيكتات استوديو على صوته .. و عشان كده لازم الموسيقى برضو تكون صوتها طازة فى الودن عشان توصل أسرع ... عشان كده توزيعها جاء أكوستك من غير الات كهرباء ...عود + كاولة + كمنجه + رق تخت شرقى بروح 2008 و ببصمة صوت منير الحزين الى فى زى شهقة فى صوته و هو بيغنى .. و أسامة حافظ على صوته كده عشان احساس منير يترجم بأسرع شكل ممكن فى حزن صوته و برضو عشان ماتبقاش شبه جو ( كان فاضل ) و ده فكر حلو و تنوع فى الحزن تحت الياسمينه الموزع فرحات التونسى و رؤية خاصة لأعادة توزيع أغنية قديمة ...التوزيع مشابه للقديم بتقنيات احدث .. و خط بيانو فى الخلفية رهييييييييييييييييييييييييييييييييييييييب لازم سماعات قوية نقية عشان تسمع البيانو ده بيعمل ايه بجد فى الأغنية دى و كمنجات الأغنية دى بالذات عبقرية الأغنية لوحة عموماً ... تخليك تتخيلها و تحسها و تعيشها و هى حالة منير و أنا باضمها لقايمة أغانى : حواديت و برج حمام و عصفور و ايديا فى جيوبى الأغانى الى تحسها حالة منير و هو لوحده أو و هو بيغنيلك و بس سؤال : كلمات مجدى نجيب هنا بجد عبقرية ,,, حالة عجيبة واختيار موفق من منير تانى انه يعيدها .. و الناس معلقة معاها الأغنية فعلاً عشان الكلمات و الدف و روح منيب الى فى اللحن ده الالكترك الى بيطلع فى اخر مرة منير بيغنى الأغنية صوته شجى و متجانس مع صوت منير قوى بافضل اسمع الأغنية عشانه مخصوص و مع منير و هو بيقول ياريت الاقى جوااب و يفضل يكرر و يفضل الجييتار يرد منير خلص الأغنية دى فى يومان فقط يونس ( موسيقى فقط ) أسامة الهندى حب يدى دروس مجانية فى توزيع المقسوم ( اللى المفروض انه أسهل حاجه سواء لحن أو مزيكا) عشان يثبت أن المقسوم ليس مجرد صقفة و جملة موسيقية أو فاصل بين كوبليه والتانى و الدرامز تفضل بوم تم بوم بوم تك ... لا لا .. حب يعرفهم بالأسس الجديدة و ان موسيقى بلدك ممكن تتدرس برضو .. صولوهات ربابة مع الكترك متغير مع كاولة تحفة صوتها يفرح بجد مع طبلة مش بتلعب مقسوم و خلاص .. لأ ده بتلعب فواصل فى الخلفية مع باقى الموسيقى .. و بكده منير بيثبت ان مقسومه مختلف و ثرى جداً جداً جداً ( اللى مش متأكد يسمع دول : يونس , مساكن شعبية . اقرار . عشق البنات و يا لالالى ) منير حتى فى مقسومه سبق بمرااحل و بعيد كل البعد عن المقسوم السائد ( مقسوم الصقفة ) بجد منير بيعمل اشباع لرغبات الواحد فى الاحساس بالتحليق و الخروج عن المألوف و عن كل ما هو تقليدى منبر عمل لنفسه البراح و لمس السما فى أليومه ده بجد شكراً منير على الوجبة الى لسه بس بنفتح نفسنا بيها .. لأنها وجبة طويلة المدى التعديل الأخير تم بواسطة marmounir ; 04-06-2008 الساعة 12:56 PM. |
|
04-06-2008, 03:26 AM
| ||||
| ||||
|
__________________ |
|
04-06-2008, 05:16 AM
| ||||
| ||||
| يانهر ابيض انتا شررحت الالبوم خالص اتكلمت على كل حاجه الا الراجل الى كان بيجبلوهم الغدا فى الاستديو  بس بجد شرحك انا قريته مره و كان فى اجزاء بقرها مرتين بجد عجبنى اوووى كلامك بالذات ان كله فى الجول الا بس موضوع البوستر الى كان نفسى يبقى غير ده او على الاقل ينزل بوستر كمان و فعلا انا معاك ان فى اغنيه لزاما منير كان فى صوته حزن حقيقى حزن يخلى عنيك تدمع من صوته بس الالبوم متنوع و يعجب كل الازواق و كله تحفه فنيه متكمله من كل النواحى تسلم ايدك يا mou على التحليل الجااااامد جداااااااا ده بس لو الخط يكبر ثنه تبقى مشكور او حتى حد من الاداره يكبره علشان يبقى قريته اسهل __________________ |
|
04-06-2008, 07:44 AM
| ||||
| ||||
|
|
|
04-06-2008, 01:11 PM
| ||||
| ||||
|
__________________ |
|
19-06-2008, 10:47 PM
| ||||
| ||||
| انت بجد بتفهم فى الموسيقى اوى انت ناقد رائع بجد نقد محترفين يا ريت تعلمنا اكتر بينى وبينك انا الحاجات اللى وضحتها كنت واخده بالى منها بس معنديش العلم اللى عندك عشان اقول زيك انت شكلك دارس موسيقى.... يالون ربيع وردى الحزن مش قصدى ده انا فرحى شوف قدى طارح نهاااااااااااااااااااار __________________ |
|
05-08-2008, 11:05 PM
| ||||
| ||||
| شكرا يامان بس بجد انت تنفع ناقد كبير اوى انا استمتعت جدا بنقدك جدا شكرا على المجهود __________________ الروح تسرى والملائك حولنا طاب الرثاء والقلب يسبح فى بحار الشوق يحمله الرجاء فاسال دموع العين عن سر البكاء وعن الامانى والمعانى عن معنى الوفاء وعن الرضا بالله ان حل القضاء وعن الفؤاد محلقا كالطير فى جو السماء عطر القلوب اريجه قد فاح من هذا اللقاء |
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
طعم البيوت ...حيعيش كتير.... و مش حيفوت 
ى من بعد الطيران ما حيلته الا جناح مكسور
العرض العادي
